Колоколларнинг турлари: Бу турли колоколнинг ичига кирган қувур ундан юқорига ўта олмайди. Тутилиши керак бўлган қувурнинг боши текис бўлиб унда муфта ёки боғловчи (замок) бўлмаслиги керак.
«КСБ» турли колокол ўзидан скважинада узилиб қолган қувурни юқорига ўтказади ва пастдаги муфта ёки боғловчидан (замокдан) тутади.
«Силлиқ» колоколнинг ички томони резбасиз, силлиқ бўлади. Унинг конуслиги 0040' дан 20 гача. Улар 40ХН, 45У, 200Х белгили пўлатлардан ясалади.
«Силлиқ» колокол скважинада қолиб кетган қувурдан резба чиқаришга имконият бўлмаган пайтларда ишлатилади.
Шлипс Шлипс скважинада узилиб қолган қувурларнинг ташқи деворидан ушлаб, кўтаришга хизмат қилади. Шлипс ичига ўрнатилган резина монжети қолиб кетган қувурни ювишга имкон беради. Шунинг учун шлипсни баъзан ювгувчи тутқич деб аталади. Шлипс корпусининг ичида юқорига-пастга ҳаракат қилувчи кертикли сухарилари бор, улар пружина таъсирида туради ва қувурларни кертиклари билан тутади. Қувурларни ва қувур муфтасини ёки боғловчини (замогини) тутувчи шлипслар бор. Шлипснинг иккитасини бирлаштириб ишлатса ҳам бўлади.
Овершот Овершотлар скважинада узилиб қолган ёки юқоридан фавқулотда скважинага тушиб кетган қувурларни тутиб, кўтариб чиқишда қўлланади. Овершотнинг корпуси ичига пружиналар ўрнатилган. Пружиналар қолиб кетган қувурнинг муфтаси ёки боғловчи (замоги) тагидан тутади. Овершотлар скважинада қолган қувурларни айлантириш ёки уларни юқори-пастга ҳаракатлантиришга мўлжалланмаган. Овершот орқали скважинани ювиш ҳам мумкин эмас.
Қувур тутқичлар (труболовки) Қувур тутқичлар скважина ичида узилиб қолган қувурларни ички деворидан тутиб, юқорига олиб чиқади. Унинг қувур деворларига тирналиб ёпишадиган цангалари бор. Цангалар конусли ҳалқага ўрнатилган. Улар конусли ҳалқада силжиб қувур деворларига ёпишади. Қувур тутқичларда скважинани ювиш учун резина манжети ҳам бўлади. Қувур тутқичларининг юқориси уни туширадиган қувурга боғлаш учун уловчи буюм, ости эса қолган қувур оғзига тўғрилаб бериш учун конуссимон йўналтирувчи билан жиҳозланган.
Скважина ичида узилиб қолган қувурларни ташқи деворидан ушлаб чиқарувчи қувур тутқичлари ҳам мавжуд. Бу тутқич ТНП тоифали (ТНП-труболовка наружная промывкой) бўлиб, диаметри 114-127 мм бўлган мустаҳкамловчи ва насос-компрессор қувурларини ушлаб чиқаришга мўлжалланган.
Фрезерлар Фрезерлар скважина ичида синиб қолган ёки юқоридан тушиб кетган металл қолдиқларини емириш яъни фрезерлаш учун хизмат қилади. Скважина ичида фрезерлаш керак бўлган металларни шакли ва уларни ўрнашиш ҳолатига қараб турли хил фрезерлар ишлатилади.