Мавзу: Нивелирлаш натижаларини қайта ишлаш Лаборатория ишини бажариш учун ажратилган вақт

Мавзу: Нивелирлаш натижаларини қайта ишлаш


Лаборатория ишини бажариш учун ажратилган вақт: 4 соат
Лаборатория ишининг мақсади: Геометрик нивелирлаш нисбий баландликларни аниқлашнинг асосий услуби ҳисобланади, ундан нуқта баландлигини ҳисоблашда фойдаланилади. Геометрик нивелирлашни бажаришда геодезик асбоб-ускуналардан фойдаланилади.
Ушбу лаборатория ишини бажариш натижасида техник нивелирлаш журналини ишлаш ва трассани нивелирлаш тўғрисида бошланғич билимни олишингиз керак.
Лаборатория ишининг вазифаси: Трассани техник нивелирлаш технологиясини ўрганиш ва бажариш, дала ва камерал ишларнинг тартибини ўргатиш, нивелирлаш йўли натижаларини текшириш, нивелирлаш журналини тўлдириш ҳамда нуқталарнинг абсолют ва нисбий баландликларини аниқлашдан иборатдир.
Бунда талабаларга қўйиладиган асосий, яъни талабаларнинг билиши зарур бўлган ва бажара олиши шарт бўлган талаблар мавжуд.
1. Талабалар билиши зарур:
- нивелирни ишчи ҳолатга келтиришни, уни текшириш усулларини;
- ушбу лаборатория ишини бажариш учун нивелир билан ишлаш тўғрисида бошланғич билимни билиши керак.
2. Талабалар бажара олиши шарт:
- нивелирнинг тузилиши, нивелир рейкаларидан саноқ олишни;
- рейкалардаги саноқлар орқали нисбий ва абсолют баландликларни ўлчашни;
- асбоб горизонтини аниқлашни бажара олиши керак.
Лаборатория ишини бажариш учун керакли материаллар ва асбоб-ускуналар: нивелир, штатив, рейка, шовун, бўр, ёғоч қозиқчалар (8 дона), пўлат лента (метр), абрис чизиш учун қоғоз, қалам, ўчиргич, чизғич, калькулятор.
Лаборатория ишини бажариш тартиби:
Ўқув гуруҳи бригадалар (ҳар бир бригадада 3 нафардан 5 нафаргача талабалар) га бўлинади. Ҳар бир бригада бир тўплам лаборатория ускуналари билан ишни бажаради.
Талабалар учун вариант сифатида, ўқитувчи томонидан “СамДАҚИ бош биноси ҳудуди” дан ҳар бир бригадага нивелирлаш учун майдонлар белгилаб берилади ва кўрсатилган майдонларда бажарилган ишлар асос сифатида қабул қилинади ҳамда талабалар ушбу лаборатория ишларининг расмийлаштириб бажарилган ҳисоботларни топширадилар.