Mavzu: O`zbekistonning tabiatini muhofaza qilish

O`quvchilar:

• 
  Havo musaffo, toza bo`lishi avvalo yashil o`simliklarga, ayniqsa o`rmonlarga bog`liq. Aholining o`simliklarga nisbatan noto`g`ri munosabatda bo`lishi tufayli ular kamayib ketmoqda .
  

O`qituvchi:

• 
  Shu o`rinda O`zbekistonda o`sadigan o`simliklarni eslab olaylik.
  

O`quvchilar topishmoqlar aytishadi:

• 
  Bargi boru guli yoq. U qaysi o`simlik? (Qoraqobiq)
  
• 
  Tegma unga, urug` otar senga. (Xina)
  
• 
  Boshi olovda, oyog`i suvda. U nima? (Yantoq)
  

O`qituvchi:

• 
  O`zbekistonning hayvonot olami ham hilma-xil. Lekin so`nggi yillarda ularning soni va turi kamayib ketmoqda.
  
• 
  Buning oldini olish uchun O`zbekistonda nima ishlar qilingan?
  

O`quvchilar:

• 
  O`zbekistonda turi, soni kamayib borayotgan noyob o`simlik va hayvonlarni hisobga oluvchi ikki jildli “O`zbekiston Qizil kitobi” nashr etilgan.
  

“Qizil kitob”haqida video lavha ko`rsatiladi.

O`qituvchi:

• 
  Nima uchun “Qizil kitob” deyiladi?
  

O`quvchilar:

• 
  Qizil rang havfli, ta’qiqlovchi va man qiluvchi ramziy ma’noni anglatadi.
  
• 
  O’zbekiston “Qizil kitobi”ning 1-jildida 63 ta umurtqali hayvon hayvon turi, shu jumladan 22 ta sutemizuvchi, 31 ta qush, 5 ta sudralib yuruvchi hayvon, 5 ta baliq turi kiritilgan.
  
• 
  “Qizil kitob”ning 2-jildida O’zbekistonda muhofaza qilinishi kerak bo’lgan 400 ta o’simlik turidan 163 tasi kiritilgan.
  
• 
  O`zbekistonda tabiatni muhofaza qilish maqsadida qo`riqxona, milliy bog’ va buyurtmalar tashkil etilgan.
  

Texnika vositasidan foydalanib o`qituvchi “Zarafshon qo`riqxonasi” filmidan lavha qo`yib beradi.
O`quvchilar “O`zbekiston tabiatini muhofaza qilish” kartasidan 9 ta qo`riqxonani topib ko`rsatishadi.
Dars yakunida yangi mavzuni mustahkamlash uchun savollarni o`quvchilar “Tabiatni sev” ko’rgazmali devoriy gazetadan olib javob berishadi.
Bu devoriy gazetada qushlar, hashorotlar og’ziga kartochkalar qistirilgan bo’ladi. Unda O`zbekistonda o`sadigan o`simlik, yashaydigan hayvon nomi harflari o`zgartirilgan bo`ladi. Harflarni joy-joyiga qo`yib, ular nomini topish kerak.

1. 
   Sayg`oq - o; a; q; s; y; g`.
   
2. 
   Qamish - i; sh; m; a; q.
   
3. 
   Bo`rsiq - s; o`; r; b; q; i.
   
4. 
   Sug`ur - s; r; u; u; g`.
   
5. 
   Jiyda - d; y; a; i; j.
   
6. 
   Selin - n; s; e; i; l.
   

Darsda faol ishtirok etgan o`quvchilar bahosi izohlab e’lon qilinadi.


Yangi mavzuni mustaxkamlash.
(O`qituvchi mavzuni mustahkamlaydi).
Uyga vazifa:
Darslikdagi mavzuni o’qib ( 103-105 betlar), “O`zbekistonning tabiatini himoya qilish” xaritasini yozuvsiz xaritaga tushirish, maktabingiz, o‘zingiz yashaydigan joyda tabiatini himoya qilish bo‘yicha amalgam oshirilgan ishlardan misollar keltirib yozing.