Mavzu: Pul muomilasining tuzilishi. Inflatsiya Reja Kirish

2020 yilda inflyatsiya darajasi 11,1 foizni tashkil etdi

2020 yilda iste’mol sektorida inflyatsiya 11,1 foizni tashkil etdi. Oziq-ovqat mahsulotlari 15,3 foiz, nooziq-ovqat mahsulotlari 8,8 foiz va xizmatlar 7,1 foizga qimmatlashdi — batafsil ma’lumotlar.

2020 yilning dekabr oyida tovarlar va xizmatlar o‘rtacha 1,6 foizga qimmatlashdi. 2019 yilning mos davrida ushbu ko‘rsatkich 1,7 foizni tashkil qilgan. 2020 yil davomida iste’mol bozoridagi narxlar va tariflar 11,1 foizga o‘sdi. O‘tgan yili bu ko‘rsatkich 15,2 foizni tashkil etgan edi, deya xabar berdi Statistika qo‘mitasi.

	2020 yilning dekabr oyida, foizda	2019 yilning dekabr oyida, foizda	Umumiy hisobda (2020 yil), foizda	Umumiy hisobda (2019 yil), foizda
Oziq-ovqat mahsulotlar	2,4	3,3	15,3	18,6
Nooziq-ovqat mahsulotlar	0,9	0,5	8,8	10,9
Xizmatlar	0,9	0,3	7,1	15,2

Oziq-ovqat mahsulotlar

2020 yilning dekabr oyida kuzatilayotgan oziq-ovqat mahsulotlari asosiy guruhlaridan boshqalarga nisbatan meva-sabzavot mahsulotlari (7,3%) narxlari sezilarli darajada qimmatlashdi. Tuxum narxlari oy davomida 3,5 foiz, yog‘-moy mahsulotlari 2,2 foiz, sut mahsulotlari 1,6 foiz, shakar, choy va boshqa oziq-ovqat mahsulotlari 1,4 foiz, go‘sht, parranda go‘shti va baliq 1,2 foizga ko‘tarildi. Umumiy ovqatlanish muassasalaridagi narxlar oy davomida 1,4 foiz, spirtli ichimliklar 1,1 foiz, alkogolsiz ichimliklar 0,4 foizga qimmatlashdi.
2019 yilning oxiriga nisbatan tuxum (37,6%), yog‘ va moylar (27,0%), go‘sht, parranda go‘shti va baliq (18,1%), shuningdek, non mahsulotlari (15,2%) narxlari sezilarli darajada qimmatlashganini ta’kidlamoqda Statistika qo‘mitasi.