Mavzu: rezbalarni nazorat qilish uslublari

MAVZU: REZBALARNI NAZORAT QILISH USLUBLARI
REJA:

1. 
   Rezbali birikmalarga asosiy talablar.
   
2. 
   Rezbali birikmalarning o‘zaro almashuvchanligini ta’minlashning asosiy prinsiplari.
   
3. 
   Metrik rezbalarning joizliklar va o‘tqazishlar tizimi.
   
4. 
   Rezbalarni nazorat qilish uslublari.
   

Xulosa
Foydalanilgan adabiyotlar

Rezbali birikmalarga asosiy talablar

Mashinasozlikda va, ayniqsa, aviasozlikda rezbali birikmalar keng tarqalgan.

Rezbali yuza muayyan shakldagi yassi konturni silindrik yoki konussimon yuza bo‘ylab vint shaklida burash yo‘li bilan hosil qilinadi.
Rezba detallarning sirtqi (bolt, shpilka, vint) va ichki (gayka, uyacha, mufta) yuzalarida yasalishi mumkin.
Barcha rezbalar maqsadi, buramalarining profili, kirishlar soni, o‘qli kesimi konturining buralishi yo‘nalishiga va liniyali o‘lchamlarini o‘lchash birligiga qarab tasniflanadi.
Maqsadi bo‘yicha ular - umumiy va maxsus rezbalar bo‘ladi.
Sanoatning har qanday tarmoqlarida ishlatishga mo‘ljallangan rezbalar umumiy maqsaddagi rezbalarga kiradi. Bular mahkamlovchi (detallarni mahkamlash uchun), turli vintli mexanizmlarda harakatlarni hosil qilish uchun tartibga soluvchi, buyumlarning germetik biriktirilishi uchun quvurli va armaturali rezbalardir.
Maxsus maqsadli rezbalar faqat sanoatning ayrim tarmoqlaridagi muayyan buyumlar uchun mo‘ljallangan, masalan, elektr chiroqlarining sokollari, protivogazlar uchun rezbalar, optik asboblar uchun okulyarli rezbalar.



Rezbali birikmalarning o‘zaroalmashuvchanligini
ta’minlashning asosiy prinsiplari

Buramalarining profili bo‘yicha rezbalar uch burchakli, trapetsiyasimon, tirgakli, to‘g‘ri burchakli, doirasimon turlarga bo‘linadi.

Kirishlar soni bo‘yicha - bir marta kiritiladigan, ko‘p marta kiritiladigan rezbalar bo‘ladi.
Buralishining yo‘nalishi bo‘yicha - o‘nggi va chapki bo‘ladi.
Liniyali o‘lchamlarni o‘lchash birligi bo‘yicha - metrik va dyuymli bo‘ladi.