|
1.2 Sheva vakillari nutqida tovushlarning orttirilishi
Assimilyatsiya. Nutqda tovushlarning kombinator o‘zgarishlari orasida eng ko‘p uchraydigan fonetik hodisalardan biri assimilyatsiyadir. Sheva vakillari nutqida unli tovushlar ayniqsa undosh tovushlar assimilyatsiyasi ko‘p uchraydi.
Assimilyatsiya tovushlar o‘xshashligi demakdir. Assimilyatsiya 2 xil bo‘ladi.
1)progressiv assimilyatsiya – keyingi tovushning o‘zidan oldingi kelgan tovushga
o‘xshashligidir: qushshъ, geppъ.
2)regressiv assimilyatsiya – uning aksi bo‘lib, oldingi tovush o‘zidan keyingi
tovushga o‘xshashligidir: beddъ, (berdi), chussa (tushsa), bъnime (bir nima).
Assimilyatsiya o‘xshaatish darajasiga ko‘ra to‘liq va to‘liqsiz bo‘lishi mumkin.
Agar ikki har xil tovush assimilyatsiya natijasida bir xil bo‘lib, bir-biriga o‘xshasa
To‘liq assimilyatsiya deyiladi: ko‘zni>ko‘zzi, boshni>boshi.
Agar ikkala tovush, bir-biriga qismangina o‘xshasa, masalan, jarangli va
jarangsizligiga ko‘ra o‘xshasa to‘liqsiz assimilyatsiya deyiladi: qochdъ - qochtъ>
qoshtъ, ochdi-ochtъ>oshtъ kabi.
Progressiv assimilyatsiya hodisasiga singarmonizm ham ta’lluqlidir.Undoshlar asssimilyatsiyasi barchsa o‘zbek shevalarida mavjud, biroq uning tarqalish doirasi bir xil emas. Ba’zi shevalarda assimilyatsiya hodisasi ko‘p,ba’zilarida kam uchraydi. Ayniqsa, y-lovchi shahar shevalarida Namangan va Toshkent va turk-borlos tipli qishloq shevalarda unli va undosh tovushlar assimilyatsiyasi juda kam uchraydi.Shevalarni ko’zatishim davomida Toshkent shevasida bu kabi holatni juda kam o‘chratdim.
Fonetik oʻzgarishlar, tovush oʻzgarishlari, fonetik jarayonlar — nutq jarayonida soʻzning fonetik tuzilishida, tarkibida sodir boʻladigan oʻzgarishlar. Nutq jarayonida, talaffuzda tovushlar boshqacha aytilishi, tushib qolishi, baʼzan esa tovush orttirilishi, bir tovushning ikkinchisi tomonidan moslashtirilishi mumkin. Bunday fonetik oʻzgarishlar tovushlarning kombinatorpozitsion (lot. combinare — qoʻshmoq, birlashtirmok va positio — holat, joylashish) oʻzgarishlari deyiladi. Kombinator oʻzgarishlar yonmayon tovushlarning oʻzaro taʼsirlashuvi natijasida yuzaga keladi va ularga quyidagilar kiradi: akkomodatsiya (lot. accomodatio— moslashish) — yonma-yon turuvchi 2 tovush (unli va undosh tovush) artikulyatsiyasining qisman moslashishi, muvofiq kelishi. Masalan, til oldi unlilari (a, e, i) til orqa undoshlari (q, g' , x)ning talaffuz etilishiga muvofiqlashib, orqaga siljiydi; assimilyatsiya (k,.), dissimilyatsiya (qarang), metateza (qarang), diereza (yun. diairesis — ajralish, boʻlinish) — muayyan talaffuz sharoiti tufayli soʻz tarkibidagi tovushning tushib qolishi: pastqam>pasqam kabi. Soʻz oʻzagidagi yoki unga qoʻshilgan qoʻshimchalar tarkibidagi ayrim tovushlarning maʼlum fonetik qurshov yoki pozitsiya taʼsirida talaffuz etilmasligi natijasida sodir boʻladigan fonetik oʻzgarishlarga quyidagilar kiradi: prokop a (yunoncha: rgokore) — soʻz boshida unli yoki undosh tovushning tushib kolishi: yiroq>iroq, yilon> ilon kabi; sinkopa (yun. synkope — qisqartirish) — soʻz oʻrtasidagi tovushning tushib kolishi: oʻgʻil > oʻgʻlim kabi; apokopa (yun. arokore — tugallanmani qisqartirish) — soʻz oxiridagi unli yoki undoshning yoxud qoʻshma soʻzdagi 2qismning tushib kolishi: baland > balan, doʻst > doʻs; kilogramm > kilo, metropoliten > metro kabi. Tovush yoki tarkibiiy qismning tushib krlishiga olib keladigan sabablar qatoriga fonatsion energiyani tejash, ixchamlikka erishish kabi omillar ham kiradi. Bunda quyidagi holat ko’zatiladi: eliziya (lot. elisio — siqish, siqib chiqarish) — unli bilan tugovchi va unli bilan boshlanuvchi 2 soʻzning qoʻshilishi natijasida unli tovushdan birining tushib qolishi. Masalan, yoza oladi > yozoladi, ayta oladi > aytoladi; sandhi (sanskritcha sandhi — aloqa, bogʻlanish) — analitik shakllarning ixchamlashuvi natijasida sodir boʻladigan fonetik oʻzgarishlarga ishlar edi > ishlardi; aferezis (yun. aphaeresis) — oldingi soʻzning oxirgi tovushi taʼsirida keyingi soʻz boshidagi tovushning tushishi: ne uchun > nechun kabi; gaplologiya, mas, tragikokomediya > tragikomediya; sinerezis (yun. syneresis) — soʻz oʻrtasida bir joyda kelgan ikki unlining biri kucheizlanib, nutkda tushib qolishi: saodat > so: dat, maorif > mo: rif kabi va boshqa Oʻzbek tiliga chet tillardan kirib kelgan oʻzlashma soʻzlarni turkiy soʻzlarning anʼanaviy fonetik tarkibiga moslashtirilishida ham bir qator Fonetik oʻzgarishlar sodir boʻladi. Bular: proteza (qarang), epenteza [yun. epenthesis — (tovush) orttirish, qoʻshish] — soʻz tarkibida aslida boʻlmagan tovush, harf, boʻgʻinning paydo boʻlishi; fikr > fikir, hukm — hukum; brigadir > birgadir, traktor > tiraktir; epiteza (yun. epithesis) — soʻz oxirida muayyan fonetik yoki morfologik taʼsir ostida shu soʻzda aslida boʻlmagan tovushning ortishi: tank > tanka, bogʻliq Fonetik o'zgarishlardan kiosk > kioska kabi. Reduksiya (qarang) ham nutqda muayyan fonemaning kucheiz talaffuz etilishi yoki tushib qolishi bilan biridir.
Do'stlaringiz bilan baham: |
