Mavzu: Tibbiyot va farmatsevtika tovarlari, ularning tasnifi Reja: Tovar, mahsulot haqida tushuncha. Tovarlar tasnifi

Mavzu: Tibbiyot va farmatsevtika tovarlari, ularning tasnifi
Reja:
1.Tovar, mahsulot haqida tushuncha.
2. Tovarlar tasnifi
3. Tibbiy va farmatsevtika tovarlarning ta’riflari va tasnifi.
4.Tibbiyot va farmatsevtika tovarlarning O’zbekiston farmatsevtika bozoridagi
holati.

Tovar, mahsulot haqida tushuncha.
Mahsulot –xaqiqiy va potentsial extiyojlarni qondirishga mo’ljallangan
faoliyat natijasidir. Mahsulot oldiga ikkita vazifa qo’yiladi: albatta ishlab chiqarilgan
bo’lishi va muayan iste’molchilarning extiyojini qondirishi zarur. Agarda mahsulot
oldi-sotti (tijorat faoliyati) ob’ekti sifatida xizmat qilsa unda u tovarga aylanadi.
Tovarlar tijorat faoliyati ob’yektlari sifatida ko’plab belgilariga qarab
guruhlarga bo’linadi. Ular ichida asosiysi – bajaradigan vazifasidir.Bajaradigan
vazifasiga ko’ra, ular kuyidagi turlarga bo’linadi:
- iste’mol tovarlar - yakka tartibdagi iste’molchilarning shaxsan foydalanishga
mo’ljallangan turlari;
- sanoat tovarlari- boshqa tovarlarni ishlab chiqarishga mo’ljallangan va uning
xom ashyo va texnologik ta’minotini yaratuvchi turlari;
- tashkiliy texnika tovarlari- ma’muriy-boshqaruv faoliyatini tashkil qilishni
yaxshilashga mo’ljallangan turlari. Tovarlar majmui deganda ularni ya’ni tovarlarni turkumi (sinfi), turi, guruxi,xilma-xilligi nazarda tutiladi.
Tovarlar xar bir turi turkumlarga taqsimlanadi. Taqsimlash asosini tovarlarning
vazifasi va ehtiyojlarni qondirish darajasi tashkil etadi.
Tovarlar turkumi - ehtiyojlarning umumlashtirilgan guruhlarini qondiruvchi
ko’plab tovarlar. Iste’mol tovarlari turkumlaridan biri – tibbiyot tovarlari turkumidir.
Tibbiyot tovarlar turkumi inson salomatligini ta’minlashda ijtimoiy extiyojlarni
qondirishga mo’ljallangan,tashxis kuyish, davolash va kasallikni oldini olishda
qo’llaniladi, shuningdek shaxsiy gigiena vositalari, bemorlarni parvarish qilish
buyumlarni sifatida, tez yordam ko’rsatish uchun foydalaniladi va h.k.
Turkumlar ishlatilayotgan xom ashyo va vazifasiga bog’liq holda kichik
turkumlar, guruhlar, turlar va xilma-xilliklarga bo’linadi.