Mavzu yuzasidan glossariy: Kviritlar mulki

Publikanlar da'vosi -bu da'vo yangi eramizdan ilgarigi 1 asrda vujudga kelgan bo'lib, mulkning, ashyoning egasi bo'lmagan shaxsdan insofli asosda mulkning boshqa shaxs tomonidan egallanilishligiga tushunilgan. Bu da'voni ba'zan petitor da'volari deb ham atalgan. Bu da'voning asl maqsadi «huquq haqidagi da'vo»dan iboratdir.
Institusiyalar va Digestlarda «majburiyat» -deganda, kreditor va qarzdor o'rtasidagi huquqiy aloqalar tushunilib, bunga asosan bir shaxs qarzdor ikkinchi shaxs kreditor foydasiga muayyan harakatlarni qilish, biror ekvivalentni berish yoki undan foydalanish imkoniyatini yaratib berish tushunilgan. Dastlab XII Jadval qonunlarida ta'kidlangan «huquqiy aloqalar» tushunchasi keyinchalik «jismoniy aloqalar» iborasi bilan ham boyitilgan.
«Talab qilish huquqi» -bu qat'iy shaxsiy xarakterga ega bo'lib, ko'pincha ishonchga asoslangan harakatlarni ham o'z ichiga olgan, chunki «kredo» so'zining o'zi ham «ishonaman» degan ma'noni anglatgan. Rim yuristlari majburiyat tushunchasini ifodalar ekan, ular «qayerda kreditor va qarzdor bo'lmasa, hech qanday majburiyatning bo'lishi mumkin emas» degan xulosadan kelib chiqqanlar.
Ashyoviy da'volar deganda-mutloq munosabatlar e'tiborga olinib, ularni mulk huquqining sub'yektiga taalluqli bo'lgan ashyoning yoki servitutning boshqa shaxslarga o'tib ketganligini talab qilib olish uchun berilgan da'vo deb tushunilgan. Bu da'vo predmeti ashyoviy huquqlardan, ob'yektlardan iborat bo'lgan.
Noqonuniy harakatlar- huquqbuzarliklar hisoblanib, huquqqa zid, xilof bo'lgan, qonunga yoki boshqa normativ hujjatlarga qarama qarshi asosda amalga oshirilgan munosabatlar deb atalgan. Shuning uchun Rim fuqarolik huquqi bunday harakatlarni qonunga zid, oqilonalik, adolatlilik tamoyillariga to'g'ri kelmaydigan munosabatlar deb, bu harakatlar natijasida keltirilgan zararlarni yangi eramizning I-IV asrlarida to'liq Rim fuqarolik huquqi normalari asosida, keyinchalik esa hatto jinoiy javobgarlikka tortish asosida ham buzilgan huquqlarni dastlabki buzilmagan holatiga keltirish uchun harakatlarni amalga oshirib bordi va buzilgan huquqlarni tikladi.