Maxsus qism iqtisodiyot sohasidagi jinoyatlar. Ekologiya sohasidagi jinoyatlar

farmakopeya qo‘mitasi 
tasdiqlaydi. 
Ta’kidlash joizki, har bir dori vositasi uchun farmakopeya qo‘mitasi 
tomonidan tegishli normativ-texnik hujjat 
(farmakopeya maqolasi) 
tasdiqlanadi. Milliy farmakopeyani tasdiqlash hamda dori vositalari va 
tibbiy buyumlarning sifati nazorat qilinishini, ular ro‘yxatdan o‘tkazilishi, 
stan dartlashtirilishi va sertifikatsiyalanishini ta’minlash O‘zbekiston 
Respublikasi Sog‘liqni saqlash vazirligi tomonidan amalga oshiriladi. 
O‘zbekiston Respublikasida davlat ro‘yxatidan o‘tkazilmagan dori 
vositalari yoki tibbiy buyumlarni ishlab chiqarish taqiqlanadi. «Dori 
vositalari va farmatsevtika faoliyati to‘g‘risida»gi Qonunning 6-moddasiga 
1
Ўзбекистон Республикасининг 1997 йил 25 апрелдаги «Дори воситалари ва фармацевтика фаолияти 
тўғрисида»ги 415-1-сон қонуни.
2
Ўша жойда.
212 

---

binoan quyidagilar majburiy tartibda ro‘yxatdan o‘tkazilishi shart: 
—
davolash, kasallikning oldini olish, tashxis qo‘yish vositalari, 
shifobaxsh oziq-ovqat va parafarmatsiya mahsulotlari; 
—
dorilarni tayyorlashda qo‘llaniladigan dori vositalari (sub-
stansiyalari) va biologik faol yordamchi moddalar; 
—
ro‘yxatdan o‘tkazilgan dori vositalarining yangi kombinatsiyalari; 
—
yangicha qadoqlangan, yangi shakl va tarkiblardagi yoki yangi 
texnologiya bo‘yicha tayyorlanayotgan dori vositalari; 
—
generik dori vositalari (generiklar); 
—
tibbiy buyumlar. 
Shu bilan birga, retseptlar va standart yozuvlar bo‘yicha dorixonalarda 
tayyorlanadigan dori vositalarini ro‘yxatdan o‘tkazish talab etilmaydi. 
Retsept 
shifokorning farmatsevtga dori tayyorlash va berish haqidagi 
yozma ko‘rsatmasi bo‘lib, unda dorini qo‘llash usuli qayd etilgan bo‘ladi. 
Standart yozuv 
— dori preparatlarining davolash xususiyatlari 
samaradorligi tekshirilganidan so‘ng tuzilgan tarkibi. 
Qonunning 13-moddasiga asosan O‘zbekiston Respublikasida 
ro‘yxatdan o‘tkazilgan dori vositalarining qalbakisi yoki g‘ayriqonuniy 
nusxasi bo‘lgan dori vositalarini realizatsiya qilish, shuningdek, muddati 
o‘tgan dori vositalarini sotish va ulardan foydalanish taqiqlanadi.