Amaliyotni yakunlash: pedagogik amaliyot hisobotini tayyorlash, hisobotga qo’shib topshiriladigan hujjatlarni tayyorlash, ta’lim muassasasi pedagogik kengashida amaliyot natijalari bo’yicha hisobot berish, ta’lim muassasasida pedagogik amaliyotning yakuniy konferensiyasiga qatnashish.
Passiv amaliyot
Pedagogik amaliyotning dasturidan kelib chiqqan holda passiv amaliyot jarayoni davomida quyidagilarni amalga oshirdim.
Tegishli me’yoriy-huquqiy hujjatlar bilan tanishib chiqdim. Mazkur hujjatlar sirasiga maktabning Nizomini faoliyat mexanizmini tashkil etish bo’yicha hujjatlari, davlat ta’lim standartlarining umumiy o’rta ta’limi uchun tegishli me’yorlari, “Kadrlar tayyorlash Milliy Dasturi” va boshqalarni kiritish mumkin;
Sinf jurnallarini yuritish qoidalari, talabalarni baholash tartiblari bo’yicha ma’lumotlar oldim;
Maktabning rahbariyat hodimlari, xususan o’quv ishlari bo’yicha, ma’naviy-ma’rifiy ishlar bo’yicha direktor o’rinbosarlarining yillik ish rejalari bilan tanishib chiqdim va ularni tuzishda nimalarga e’tibor berish kerakligi haqida ma’lumotlar oldim;
Menga biriktirilgan fan o’qituvchisining ish rejasi, taqvimiy mavzular rejasi bilan tanishdimva ulardan o’zim uchun nusxa oldim;
Biriktirilgan sinf rahbarining yillik ish rejasini, har hafta juma kuni o’tkazilishi belgilangan “Axborot va ma’naviyat” soatlari rejasi bilan tanishdim;
Ilg’or tajribali o’qituvchilarning darslarini kuzatdim va pedagogik ko’nikmalarni egalladim;
Darslardan keyingi mashg’ulotlarda qatnashdim va maktabda o’tkazilgan ma’naviy-ma’rifiy tadbirlarda ishtirok etdim.
Passiv amaliyot davomida men ilg’or tajribali o’qituvchilar darslarini kuzatdim.
Passiv amaliyot davrida bajarilgan ma’naviy-ma’rifiy ishlar
Passiv amaliyot davomida ma’naviy-ma’rifiy ishlar bilan ham tanishdik. Maktabda qat’iy talab belgilangan kiyinish qoidasiga amal qilinadi. Qizlar uchun alohida bir xil forma, o’g’il bolalar uchun alohida bir xil forma kiyishlari talab qilinadi.
Sinf rahbari sifatida har hafta nimalar bilan shug’ullanish zarurligi haqida ko’rsatmalar oldik. O’zlashtirishi sust, davomati yomon bo’lgan o’quvchilar bilan alohida ishlash tashkil qilingan bo’lib, bizlar darsdan keyin ana shu qo’shimcha mashg’ulotlarda ishtirok etdik.
Aktiv amaliyot
Samarqand Davlat Universiteti tomonidan ishlab chiqilgan “Pedagogik amaliyot Dasturi” ga muvofiq passiv amaliyotdan keyin davom etadigan aktiv amaliyot boshlanadi. Aktiv amaliyotning asosiy xususiyati shundan iboratki, biz mazkur amaliyot davomida dastlab o’qituvchilar ko’magida, keyinroq mustaqil ravishda dars mashg’ulotlarini o’tishimiz kerak. Dasturga ko’ra biz har uch haftada bir darsni tajriba darsi sifatida o’tish belgilangan.
Biz aktiv amaliyotga kirishishni boshladik va amaliyot rahbarimiz tomonidan oldindan belgilab berilgan sinov darslari mavzularini o’ta boshladik. Biriktirilgan fan o’qituvchisining taqvimiy ish rejasidan kelib chiqib, bevosita o’qituvchi nazorati ostida darslarni mustaqil o’tishga tayyorgarlik ko’rdim. Tayyorgarlik jarayonida ko’rgazmali qurollar tayyorlashda, qo’shimcha topshiriqlar ishlab chiqishda nimalarga tayanish kerakligi haqida ma’lumotlar oldik.
Do'stlaringiz bilan baham: |