Kirish
5A111801- Ta’lim tarbiya nazariyasi va metodikasi (maktabgacha ta’lim) mutaxassisligi
bo‘yicha magistraturaga kiruvchilar sinov topshirishda umumkasbiy va ixtisoslik fanlari yetakchi
bo‘lib hisoblanadi. SHuning uchun magistraturaga kiruvchilar “Maktabgacha pedagogika”,
“Maktabgacha ta’limda elementar matematik tasavvurlarni shakllantirish metodikasi”,
“Maktabgacha ta’limda tabiat bilan tanishtirish metodikasi”, “Maktabgacha ta’limda tasviriy
faoliyatga o‘rgatish metodikasi”, “Maktabgacha ta’limni o‘qitish texnologiyalari va
loyihalashtirish” fanlarga alohida e’tibor qaratishlari muhimdir. Bunda magistraturaga kiruvchilar
maktabgacha ta’limning me’yoriy asoslari, maktabgacha pedagogikaning ilmiy-nazariy asoslari,
maktabgacha yoshdagi bolalarning rvojlanishi va tarbiyasi, maktabgacha ta’lim tashkilotlarini
tashkil etish va boshqarish, maktabgacha yoshdagi bolalar nutqini o‘stirish, ularda matematik
tasavvurlarni shakllantirish, maktabgacha ta’limni o‘qitishda zamonaviy axborot va pedagogik
texnologiyalarning mazmuni va mohiyatini va ularning tarkibiy qismlari bilan bog‘liq savollarni,
ularga taalluqli muammolar yechimini bilishlari va yorita olishlari muhimdir. SHuningdek, sinov
jarayonida abiturientlarning mutaxassislik bo‘yicha nazariy bilimlari va amaliy ko‘nikma va
malakalari, mustaqil tahlil qilish, xulosalar chiqarish bo‘yicha bilimlariga ham katta ahamiyat
qaratiladi.
Ushbu dastur 5 ta fanning bo‘limlaridan iborat bo‘lib, maktabgacha pedagogika, metodika
fanlari (maktabgacha ta’limda nutq va o‘zga tilga o‘rgatish metodikasi, maktabgacha ta’limda
elementar matematik tasavvurlarni shakllantirish metodikasi, maktabgacha ta’limda tabiat bilan
tanishtirish metodikasi, maktabgacha ta’limda tasviriy faoliyatga o‘rgatish metodikasi),
maktabgacha ta’limni tashkil etish va rahbarning tashkilotchilik madaniyati, maktabgacha ta’limni
o‘qitish texnologiyalari va loyihalashtirish kabi fanlar mazmuni umumlashtirilgan.
Mazkur dastur magistratura mutaxasisligi bo‘yicha kirish sinovi dasturi bo‘lib, bo‘lajak
mutaxassis egallashi kerak bo‘lgan bilimlar va ko‘nikmalar majmuini o‘z ichiga oladi. Nazariy
ma’lumotlar amaliyot va ko‘rgazmalilik bilan mustaxkamlangandagina, chuqur bilimga ega bo‘lish
mumkin. SHuning uchun dasturda amaliy bilim va ko‘nikmalarga katta e’tibor qaratilgan.
Talabalarning “Ta’lim va tarbiya nazariyasi va metodikasi (maktabgacha ta’lim)” mutaxassisligi
bo‘yicha bilimlarni o‘zlashtirishlari uchun o‘qitishning ilg‘or va zamonaviy usullaridan foydalanish,
yangi axborot-kommunikatsiya va pedagogik texnologiyalarini tadbiq qilish muhim ahamiyatga
egadir. Dasturni o‘zlashtirishda darslik, o‘quv va uslubiy qo‘llanmalar, elektron materiallar,
tarqatma materiallar, virtual stendlardan foydalaniladi.
Dasturdagi umumkasbiy va ixtisoslik fanlari maktabgacha ta’lim sohasida chuqur bilimga
ega bo‘lgan, mutaxassislikka mos ilmiy, ilmiy-pedogogik qobiliyati va qiziqishi bor abiturientlarni
magistraturaga qabul qilish masalalarni hal qilishga qaratilgan.
Do'stlaringiz bilan baham: