Mening hayot falsafam

Bakalavr talabalari uchun FALSAFA fani bo’yicha mustaqil ish mavzui:

“MENING HAYOT FALSAFAM”.

G’oya muallifi - professor I.Saifnazarov

Ushbu mavzuni yoritishda quyidagilarga e’tibor qaratiladi:

1. 
   Sizning hayot faoliyatingiz xronometraji: o’zingiz haqingizda qisqa ma’lumot, 1 kun, 1 hafta ichida qanday ishlar bilan shug’ullanasiz, ularga qancha vaqt sarflaysiz: - uyqu, ertalabgi jismoniy tarbiya mashqlari, nonushta, yo’l, ishga borish, tushlik , kechki ovqatlanish, ota-ona va boshqa oila a’zolari bilan muloqot, dars tayyorlash, uy ishlari, badiiy kitob, gazeta va jurnallar o’qish, sport bilan shug’ullanish, jamoat ishlari; kino, teatr, kontsert, muzeylarga borish, televizor ko’rish, internetdan foydalanish, do’stlar, dugonalar bilan uchrashish, shoping va hokazolarga qancha vaqt sarflaysiz? Qachon va qanday dam olasiz? Umumiy tahlil.
   
2. 
   Oilaviy ahvolingiz? Oilangiz necha kishidan iborat, siz uchun hamma narsa yetarlimi? Avlod-ajdodlaringiz (shajarangiz) haqida qanday ma’lumotga egasiz, sizni bu qiziqtiradimi? Uyingizda nechta kitob bor, ulardan qanchasi badiy? Moddiy boyliklar inson falsafasining shakllanishiga ta’sir qiladimi? Hayotingiz o’zingizga yoqadimi, undan rozimisiz? Oilada qanday tadbirlar o’tkaziladi? An’ana tusiga kirgan marosimlar bormi, ulardan qaysilari sizga yoqadi yoki yoqmaydi? Qo’shnilar, qarindoshlar bilan munosabatingiz qanday? Mahallangiz sizga yoqadimi, nimasi bilan, mahallangizda do’stlaringiz bormi?
   
3. 
   Sizning bir oylik daromad va xarajatlar smetangiz, profitsitmi yoki defitsit? Uning tahlili.
   
4. 
   O’n yildan keyin o’zingizni qanday tasavvur qilasiz (sizning hayot falsafangiz)?: Hayotda qanday orzularingiz bor? Qachon turmush qurmoqchisiz, necha yoshda, bunda sevgi muhabbatga e’tibor berasizmi? Bo’lajak turmush o’rtog’ingizni qanday tasavvur qilasiz, uning qaysi sifatlariga e’tibor qaratasiz? Nechta farzandli bo’lishni xohlaysiz? Oilada er va xotinning vazifalari nimadan iborat, deb hisoblaysiz? O’n yildan so’ng erishmoqchi bo’lgan martabaga qanday yo’l orqali bormoqchisiz? Uning uchun nima qilish kerak? Hozirgi mutaxassisligingiz sizga qanchalik yoqadi? Keyinchalik yana qanday qo’shimcha mutaxassislikni egallamoqchisiz, nima uchun? Sizning hayot yo’lingizga ta’sir ko’rsatgan, hurmat e’tiboringizga loyiq bo’lgan ustozlaringiz bormi? Ularni eslab turasizmi? Qaysi faylasuflarning qarashlari sizga yoqadi yoki yoqmaydi, nima uchun? Sizning hayot falsafangiz nimadan iborat? Hayotingizda qanday badiiy kitoblarni o’qigansiz? Qaysi o’qigan kitobingiz yodingizda qolgan? Qaysi qahramonlarning obrazlari sizga ma’qul? Siz hayotda kimga o’xshashni xohlar edingiz, sizning idealingiz? Nechta do’stingiz va dushmaningiz bor, deb o’ylaysiz? Do’stlaringizning qaysi sifatlari sizga yoqadi? Yashashdan maqsadingiz nima? Hozirgi islohotlarga munosabatingiz, qanday yangi innovatsion g’oyalaringiz bor? O’zingiz haqida yana nimalarni yoritmoqchisiz? Umumiy xulosalar.
   

Eslatma: Mustaqil ish matn va taqdimot shaklida, rasmlar, diagrammalar bilan, chiroyli dizaynda albom-taqdimot tayyorlanadi. Unda barcha qo’yilgan savollarga to’liq, dalillar bilan, o’z pozitsiyasini asoslagan holda javob tayyorlash zarur. Taqdimot dastlab elektron shakda domlaga yuboriladi, muhokamadan so’ng, eng yaxshi deb topilgan taqdimotlar albom shaklida topshiriladi va barcha tinglovchilarga ko’rsatiladi. Mustaqil ish taqdimoti darsdan keyin o’tkaziladi, unda rahbariyat ishtiroki qo’llab quvvatlanadi.