Microsoft Word 4-китоб ёшлар конф 2017 май

“Таълим, фан ва ишлаб чиқариш интеграциясида интеллектуал салоҳиятли ёшлар 
мамалакат тараққиётининг муҳим омили” конференция материаллари. 
212 
Bundan tashqari talabaga chet tilidagi ma’lumot va axborotni qayta-qayta 
ko’rsatish orqali yodda tutish imkonini beruvchi multimediya, komputer 
texnologiyalar, axborot texnologiyalari va zamonaviy darsliklardan foydalanish ham 
yaxshi samara beradi. 
Zamonaviy pedagogik texnologiyalardan foydalanish jarayonida o’qituvchi o’zi 
qo’llamoqchi bo’lgan usulni chuqur o’zlastirib, so’ng talabalarga beradi. O’qituvchi 
bu jarayonda talaba shaxsining rivojlanishi, shakllanishi, bilim olishi va
tarbiyalanishiga sharoit yaratadi va shu bilan bir qatorda boshqaruvchanlik, 
yo’naltiruvchanlik vazifasini bajaradi. 
An’anaviy tarzda tashkil etiladigan darslardan farqli o’laroq, yangi pedagogik 
texnologiya asosida chet tili darsini o’tish talabada tanqidiy fikrlash shakllanadi va 
shu bilan bir qatorda talabaning faolligi ortadi. Bunday vositalarni dars jarayonida 
qo’llashning muhim jihati shundan iboratki, bunda talaba oldingi bilimlarini ham 
faollashtiradi, hamda yangi bilim va axborotga ega bo’ladi va o’zlashtiradi.
Chet tilini o’qitishda ayniqsa guruh bilan ishlash usuli ko’p hollarda ijobiy natija 
beradi. Bu usulning afzalligi shundaki, bunda talabalar o’zgalar nutqini tinglash, 
o’zaro fikr almashish, baxs- munozara olib borish ko’nikmalarini o’zlarida 
shakllantira oladilar. Masalan, o’qituvchi tomonidan talabalarga mavzuga oid biror 
muammo atrofida baxs yuritishga, undan talabalarni o’ylash faoliyatini
rivojlantirishga, qolaversa ularni yanada ko’proq bilishga va o’rganishga undaydi. 
Bunday zamonaviy uslublar talabani o’zi mustaqil izlanishiga undaydi va 
o’rganiladigan chet tilining grammatikasi, leksikasi va tarjimasiga chuqurroq kirib 
borishini talab qiladi. Va albatta bu tezkor uslublar kelajakda biz tarbiyalayotgan 
yosh avlodga o’z samarasini beradi, degan umiddamiz. 
Shunday qilib, chet tilini o’rganish hozirgi davr talabi ekan, o’sib kelayotgan 
yosh avlodga til o’rganishning yangi uslublarini, „ Kadrlar tayorlash milliy dasturi“ 
ga asoslangan holda ishlab chiqib, o’qish jarayoniga tavsiya etish olimlar, 
mutaxassislar oldida turgan dolzarb masalalardan hisoblanadi. Iste’dodli 
yoshlarimizning o’z qiziqqan sohalarida yetuk mutaxassislar bo’lishlari uchun, 
avvalambor chet tilini, jumladan, ingliz tilini mukammal bilishlari zarur. Demak, 
ilg’or texnologiyalarni joriy etib, chet tillarni o’qitish uslublarini davr talabiga javob 
berishini ta’minlash pedagog - olimlarning kechiktirib bo’lmas asosiy vazifalaridir. 
Xulosa qilib aytganda, ta’limni yangi texnologiyalar asosida olib borish 
jarayonida o’quv fanini o’zlashtirmoqchi bo’lgan talabaning kayfiyati, qiziqishlari, 
hayot tarzi tafakkuri, aqliy va kasbiy qobiliyati kabi xususiyatlari yuzaga keladi. 
Adabiyotlar: 
1.
Галльский Н.Д. «Современные методики преподавания иностранных 
языков» - М: - 2012 г. 
2.
Yo’ldoshev J.G’.,Usmonov S.A. Zamonaviy pedagogik texnologiyalarni 
amaliyotga joriy qilish.- T. Fan va texnologiya, 2008.