Microsoft Word traktor va avtomobillar konstruktsiyasi doc

Friktsion ilashish muftasini boshqarish mexanik, gidravlik, etektromagnit yuritmali bo’lishi mumkin. Ko’pincha, avtomobillarda mexanik yoki gidravlik turdagi boshqariladigan ilashish muftalari ishlatiladi.
Elektromagnitli uslubda boshqariladigan turi esa ilashish muftasining ilashishini to’la avtomatlashtirish maqsadida yengil avtomobillarda ko’proq qo’llaniladi. Mexanik yuritmali ilashish muftasini boshqarishni yengillashtirish maqsadida kuchaytirgichlar ishlatiladi. Bular ham yuritmasi bo’yicha mexanik (scrvoprujinalti), p^vmatik va vakuumli turlariga bo’linadi.
Gidromuftaning asosiy afzalliklaridan biri shuki, u kuch uzatmasida hosil bo’layotgan burama tebranishlarni muntazam ravishda sundira boradi, shu tufayli dvigatelning turg’unlanib ishlashini ta'minlab boradi. Bundan tashqari, avtomobilni boshqarish yengillashadi va muttasil tezlana olishiga erishiladi, natijada avtomobilning silkinmasdan joyidan qo’zg’alishi va ravon yurishi yanada yaxshilanadi. Lekin yakka gidromufta vositasida ajratish jarayonini to’liq bajarib bo’lmasligi sababli, avtomobil kuch uzatmasida aralashgan turdagi muftalar ishlatilmoqda.
Gidromuftaning avtomobillarda keng tarqalmaganligining asosiy sababi, u qo’yilganda avtomobilning yonilg’ i sarfi ortadi, kuch uzatma murakkablashib, umumiy vazni oshadi va ishonchli ishlash darajasi kamayadi.
Etektromagnitli ilashish muftasi yetakchi va yetaklanuvchi disklardan tashkil topgan bo’lib, ularning ishlash uslubi disklar orasidagi temir kukunchalarning etektromagnit oqimi ta'sirida disklarning ishqalanuvchi sirtlari tomon tarqalib, "bikr tolacha" xosil qilishiga asoslangan. Bunda ilashish muftasi temir zarrachalar vositasida qo’shiladi. Etektromagnit oqimi berilishi to’xtalishi bilanoq, temir kukunchalar harakatga kelib "bikr tolacha"lar ilashish xususiyatini yo’qotadi, natijada ilashish muftasining disklari biri - biridan ajraladi.
3-MAVZU: TRAKTOR VA AVTOMOBILLARNING UZATMALAR
QUTISI, TARQATISH QUTILARI.
Reja:

1. 
   Traktor va avtomobillar uzatma qutilari va variatorlar.
   
2. 
   Uzatma qutisi, tarqatish qutilarining turlari
   
3. 
   Uzatmalar qutilarini boshqarish mexanizmlari
   
4. 
   Uzatmalarning uzatish sonini aniqlash va tanlash
   
5. 
   Pog’anali va pog’anasiz uzatmalar qutisi