Модул номи Оралиқ назорат

Тошкент давлат юридик университети, 2016-2017 ўқув йили

Модул номи		Оралиқ назорат
Давлат ва ҳуқуқ тарихи. Рим ҳуқуқи		Мустақил иш
Балл миқдори	Мустақил иш билим ва кўникмаларни баҳолайди
10%	мустақил ишни расмийлаштириш қоидаларига амал қилинганлиги; махсус адабиётларни танлай олиш ҳамда унинг мазмунини ижодий таҳлил қилиш; танланган мавзунинг асосий муаммоларни аниқлай олиш; саволга тушунарли ва мантиқан кетма-кетликда жавоб берилганлиги ҳамда муайян хулоса чиқарилганлиги; аниқланган масалаларга мос тарзда жавобларнинг асослаб берилганлиги; норматив-ҳуқуқий ҳужжатлардан тўғри фойдаланилганлиги.
Топшириш муддати
(индивидуал бажариладиган иш/ гуруҳ бўлиб бажариладиган иш)
индивидуал

Ушбу ишни бажараш учун Эссе ёзилади.


МУСТАҚИЛ ИШ УЧУН – ВАЗИФА

4. Ўзининг келиб чиқишини беркитган ва Римда ҳудди унинг фуқароси каби яшаб келаётган қочоқ қул ҳудди тўла ҳуқуқли фуқаро сингари претор сифатида сайланди. Йиллар давомида бу шахс ўз вазифасини бажариб келди, Рим фуқаролари ҳам унга бўйсуниб келдилар. Охир-оқибат ёлғон фош бўлди.

Бу вазиятда Сенат қандай йўл тутиши лозим?
Ушбу масалани Рим ҳуқуқи манбалари асосида ҳал қилинг.

5. Тиберий Валерийни фарзандликка олди. Вақти келиб Валерий ўз номзодини консул лавозими учун тақдим этганда, Тиберий ўзининг оталик ҳокимиятидан фойдаланиб, унинг “ўзга шахс ҳуқуқида”лигини рўкач қилиб, унга буни тақиқлаб қўйди.

Тиберий ҳақми?
Ушбу масалани Рим ҳуқуқи манбалари асосида ҳал қилинг.

6. Луций Ицилий сақлаб туриш учун Гай Секстийга тегишли бўлган буғдой ва бир неча суратларни қабул қилиб олди. Буғдой хўжайиннинг буғдойлари сақланадиган ёпиқ жойда тўкиб сақланди. Суратлар ҳам ҳудди шу жойда сақланди. Бир муддат ўтгач яшин уриши оқибатида омборга ўт кетди. Қайтиб келган Гай Секстий Луций Ицилийдан йўқ бўлиб кетган мулк эвазига мулк талаб қилди.

Ушбу вазиятга Рим ҳуқуқи манбалари асосида баҳо беринг.
Мазкур ҳолатда суднинг қарори қандай бўлиши керак? 


Жавобингизни муҳокама қилинг ва асослаб беринг.
Юқорида берилган масалаларни таҳлил қилишингиз ва ҳуқуқий манбаларга асосланган ҳолда улар юзасидан ўз фикрингизни баён этишингиз лозим. Шу билан бирга, талаба бу борада қуйидагиларга лаёқатли эканлигини кўрсата олиши зарур:

• 
  давлат ва ҳуқуқ тарихи. Рим ҳуқуқи фани предметига оид масалаларни аниқлай олиш;
  
• 
  ўз тадқиқотини самарали амалга ошириш ва аниқланган масалаларни муҳокама қилиш;
  
• 
  тегишли ҳуқуқий манбаларни таҳлил этиш;
  
• 
  аниқланган масалаларга мос тарзда ўз жавобларини асослаб бериш;
  
• 
  тегишли ҳуқуқ манбаларига ҳавола этиш;
  
• 
  ёзма шаклда аниқ ва лўнда баён эта олиш.
  

Мустақил иш қуйидаги талабларга риоя қилинган ҳолда топширилиши керак:

• 
  word дастуридан фойдаланган ҳолда бажарилиши;
  
• 
  cтандарт титул саҳифасига эга бўлиши;
  
• 
  ҳар бир саҳифа рақамланиши;
  
• 
  1000 та сўздан кам бўлмаслиги;
  
• 
  матн Times New Roman шрифтида, 14-ўлчамда, бир ярим интервалда бўлиши;
  
• 
  саҳифа ўлчами: саҳифа мўлжали китоб шаклида, юқори ва пастки – 2 см, ўнг тараф-1,5 см, чап тараф – 3 см.ни ташкил этили керак;
  
• 
  ишда аниқ ҳаволаларнинг берилишига алоҳида эътибор қаратилиши;
  
• 
  фойдаланилган адабиётлар рўйхати келтирилиши лозим.
  

Мустақил иш қуйидаги мезонлар асосида баҳоланади:

• 
  талабанинг муаммоли масалаларни ҳуқуқий нуқтаи назардан аниқлаш қобилияти;
  
• 
  асослантирилган мустақил фикрга эга бўлиши ва танқидий таҳлил қилиш қобилияти;
  
• 
  коллизион нормаларни тўғри қўллай олиш қобилияти;
  
• 
  ўз фикрни ишончли шаклда ижодий баён қила олиш қобилияти;
  
• 
  ихтибос келтира олиш ва манбаларга ҳавола қила олиш қобилияти;
  
• 
  грамматик жиҳатдан тўғри ёза олиш қобилияти.
  

ДИҚҚАТ: ПЛАГИАТ АНИҚЛАНГАН ҲОЛЛАРДА ЁКИ ИШНИ ТОПШИРИШ БЕЛГИЛАНГАН МУДДАТДАН КЕЧИКТИРИЛГАНДА МУСТАҚИЛ ИШ БЕКОР ҚИЛИНАДИ. МУСТАҚИЛ ИШ 2017 ЙИЛ ----------------------- КУНИ СОАТ 17^00ГА ҚАДАР ЎҚУВ-УСЛУБИЙ БОШҚАРМАГА ТОПШИРИЛИШИ ШАРТ

Модуль раҳбари Ф.Мухитдинова


Кафедра мудири М.Ахмедшаева