Модуль номи: Жаҳон савдо ташкилоти ҳуқуқи № Казуслар

Хайланд давлати манфаатларини ҳимоя қилиш сизнинг зиммангизда. Мазкур ишда ютиб чиқиш учун ўз юридик позициянгизни қандай тузган бўлар эдингиз? ЖСТнинг қайси қоидалари бузилган?
C.Б.Ибодуллаев
	Октавия ЖСТ аъзоси бўлиб, болалар оёқ кийими ишлаб чиқарувчи йирик мамлакатлардан бири саналади. Йиллар давомида бошқа мамлакатларга, айниқса қўшни давлатларга болалар оёқ кийими экспорт қилиниб келган. Романия давлати ҳам болалар оёқ кийими ишлаб чиқариш саноатига эга, лекин Октавияга қараганда савдонинг мазкур йўналиши романия учун янги ҳисобланади, негаки бор йўғи бундан 2 йил аввал давлат тўнтариши туфайли мамлакатда социалисик тизим тугатилиб, янги келган сиёсий кучлар мамлакатда демократик бошқарув тизимини ўрнатди. Бозор иқтисодиётига ўтиш жараёни бошланди. Романиянинг ЯИМ 47 % эркаклар пойабзалини экспорт қилиш ташкил этади. Бироқ миллий иқтисодиётни жадал ривожлантириш мақсадида янги қонун қабул қилиниб, Романияда янги ташкил этилган саноат турларига нисбатан, шу жумладан, болалар оёқ кийимини ишлаб чиқариш учун бир қатор давлат субсидиялари ажратилиши белгилаб қўйилди. Эндиликда биринчи 5 йил давомида жами 96 миллиард АҚШ доллари, кейинги 7 йил давомида эса 44 миллиард АҚШ доллари ажратилиши маълум қилинди. Ундан ташқари фақатгина болалар оёқ кийимини ишлаб чиқарувчи корхоналар учун бир қатор солиқлардан озод этилиш вазифаси ҳам алоҳида белгиланган. Октавия ташқи савдо алоқалар вазирлиги субсидиялар ва компенсацион чоралар бўлими 2-даражали юристисиз. Мазкур ҳолат бўйича бўлим бошлиғига ҳуқуқий таҳлилнома тайёрлашингиз керак. ЖСТ келишувлариннинг қайси нормалари бузилган?	C.Б.Ибодуллаев
	Лейстерос Қироллиги ўзининг юқори даражадаги сифатга эга бўлган автомобиллар ишлаб чиқарувчи дунёдаги энг йирик давлатлардан бири. ЖСТнинг 2003 йилдан бери аъзоси. Бирлашган Мартел ороллари эса бу каби савдо саноатига эга эмас ва шу сабабдан қўшни давлатдан, яъни Лейстерос Қироллигидан экспорт қилинадиган автомобилларни маҳаллий аҳоли доим ҳарид қилиб келган. Аммо, Бирлашган Мартел ороллари 2010 йилда ЖСТга қабул қилинди. Лейстерос Қироллиги билан биргаликда маҳаллий бозорга бошқа давлатлардан, шу жумладан, Тибальт Амирлигида ишлаб чиқарилган автомобиллар ҳам кириб кела бошлади. Лейстерос Қироллигида ишлаб чиқарилган автомобиллар Бирлашгани Мартел оролларига қараганда анча арзонроқ нархда сотилсада, бироқ Тибальт Амирлигидан кириб келган автомобиллардан бошқаларга қараганда 15 % юқорироқ бож тўловлари ундирилиб олинарди. Мазкур ҳолат юзасидан Тибальт Амирлиги расмийлари аниқлик киритишни сўрашди. Бунга жавобан Бирлашган Мартел ороллари ҳукумати Лейстерос Қироллиги автомобиллари азалдан сифатига шубҳа бўлмайдиган автомобилларни ишлаб чиқариши ҳамда улар халқ ишончини қозонганлигини важ қилиб келтирди. Тибальт Амирлиги Ташқи савдо вазирлиги девонхонаси сизга мазкур ишга ҳуқуқий консультация сўраш мақсадида алоқага чиқишди. Сизнинг фикрингизча, бу ҳолатда қайси қоида(лар) бузилган? Тибальт Амирлиги талаби асослими?