Moodle тизимида электрон ўҚув курсларини яратиш

Гиперссылка модули ўқитувчига веб-ҳаволани курс 
ресурси сифатида жойлаш имконини беради. Ҳаволалар ёрдамида 
Интернетдаги ихтиёрий бўш турган ресурс (масалан, ҳужжат ёки тасвир) га 
боғланиш мумкин. Ҳавола сайтнинг бош саҳифасига бўлмаслиги мақсадга 
мувофиқ ҳисобланади. Яхшиси, аниқ веб-саҳифа манзилини қўллаш лозим. 
Ўқитувчи (қайси сайтларга рухсат борлигига боғлиқ ҳолда) Flickr, Youtube, 
Wikipedia ва бошқа шу каби юкламалар сақланадиган сайтларга ҳаволадан 
фойдаланиши мумкин.
Книга модули ўқитувчига китобга ўҳшаш боблар ва 
параграфлардан иборат кўпсаҳифали ресурс яратиш имконини беради. Книга 
модули медиа-файллардан, шунингдек, бўлимларга бўлинган узун матнли 

---

39 
маълумотлардан таркиб топиши мумкин. Книга модули алоҳида бўлимлар 
бўйича ўқув материалларини тасвирлаш учун, маълумотнома сифатида, 
талабалар ишларидан намуналар портфолиоси сифатида қўлланилади.
Пакет IMS содержимого модули ўзида стандартларга 
мос ҳолда йиғилган файллар тўпламини акс эттириб, улардан турли тизимларда 
такроран фойдаланиш имкони мавжуд. Пакет IMS содержимого модули архив 
ҳолатда тизимга юкланиб, курсда ресурс сифатида ўрнатилади.
Пакет таркиби саҳифалараро навигацияга эга бўлган бир неча саҳифаларда акс 
этади. Пакет таркиби қалқиб чиқувчи ойналарда, навигацияли меню ёки 
тугмачалар ва бошқа шу кабилар ёрдамида намойиш этилиши мумкин. Пакет 
IMS содержимого модули мультимедияли ва анимацияли маълумотларни 
намойиш этишда қўлланилади. 
Папка модули ўқитувчига бир неча ўзаро боғланган 
файлларни битта папкада акс эттириш имконини беради. Папка ZIP-архивга 
юкланиб, намойиш этиш учун архивдан очилиши мумкин, шунингдек, бўш 
папка ҳосил қилиниб, унга файлларни юклаш имконияти ҳам мавжуд. Папка 
модули бир мавзудаги файллар серияси, масалан, ўтказилган синов ишларини 
ўзида акс эттирган pdf форматдаги ёки талабалар томонидан тайёрланган 
лойихаларда қўлланиладиган график файлларни ўзида сақловчи файллар 
тўплами учун, ўқитувчи томонидан юкланадиган, курс саҳифаларида 
фойдаланиш учун зарур бўладиган материаллар тўпламини сақлашда 
фойдаланилади.