Muhandislik texnologiyalari

O‘ZBEKISTON RESPUBLIKASI OLIY VA O’RTA MAXSUS
TA’LIMI VAZIRLIGI


ISLOM KARIMOV nomidagi
TOSHKENT DAVLAT TEXNIKA UNIVERSITETI

“MUHANDISLIK TEXNOLOGIYALARI” fakulteti

“SANOAT IQTISODIYOTI VA MENEJMENTI” kafedrasi

“Iqtisodiyot asoslari” fanidan
KURS ISHI
Mavzu: “Davlat byudjeti va byudjet taqchilligi muammosi”


Rahbar: dots. Tursunov A.


Bajardi: “Muhandislik texnologiyalari” fakulteti
60310100- “Iqtisodiyot” (tarmoq va sohalar bo‘yicha)
ta’lim yo’nalishi 1-kurs 143-21 guruh
talabasi Xo’jaboyev J.


TOSHKENT – 2022 y.
Mundarija


I BOB. Davlat byudjeti va uning iqtisodiyotdagi roli………………….….3

Kirish….….……………..………….…………………………………..…….3
1.1. Davlat byudjetining mohiyati va uning vazifalari………..………….…...4
1.2. Davlat byudjetining tuzilishi……….....………………..……….…...…..10
1.3. Byudjet siyosati …………………………………………………………13
II BOB Byudjet taqchilligi va uni moliyalashtirish usullari….…….........17
2.1. Byudjet taqchilligi tushunchasi va uning sabablari…... ………………..17
2.2. Byudjet taqchilligi oqibatlari...................................................................21
2.3. O‘zbekiston iqtisodiyotining byudjet taqchilligi muammosi…….......…26

Xulosa……………………………………………………………….………31

Foydalanilgan adabiyotlar ro’yxati……………………..……….……..…32

KIRISH
O‘zbekistonda amalga oshirilayotgan iqtisodiy siyosat jamiyatni yanada demokratlashtirish va yangilash, iqtisodiyotni modernizatsiya qilish va isloh etishni yanada chuqurlashtirishga yo‘naltirilgan davlat siyosatining muhim qismi hisoblanadi. Davlat iqtisodiy siyosat orqali iqtisodiyotga aralashib, uni ma’muriy, huquqiy va iqtisodiy mexanizmlar, dastaklar vositasida tartibga soladi.
Mamlakatimizda mustaqillik davrida iqtisodiyotni davlat tomonidan tartibga solish mexanizmi asosan shakllantirildi. Bu mexanizm 2008 yilda boshlangan va hamon ma’lum darajada davom etayotgan jahon moliyaviy – iqtisodiy inqirozining respublika iqtisodiyotiga salbiy ta’sirini bartaraf etish hamda barqaror va mutanosib iqtisodiy o‘sish sur’atlarini saqlab qolishda muhim rol o‘ynadi. SHuning uchun ham iqtisodiyotni davlat tomonidan tartibga solish muammolarini o‘rganish dolzarb ilmiy va amaliy ahamiyatga ega.
Bozor iqtisodiyoti o‘zining ob’ektiv qonunlari hamda o‘zini-o‘zi tartiblash dastaklari, vositalari orqali amal qiladi. Ammo bozor iqtisodiyotining ijobiy jixatlari bilan bir qatorda salbiy jixatlari ham mavjuddir. Ularning eng asosiysi iqtisodiyotdagi ob’ektiv qonunlar va munosabatlar, regulyatorlar asosida shakllanadigan bozor muvozanati hamda mutanosibliklarning buzilishi oqibatida vujudga keladigan nomutanosibliklarning kuchayishi, iqtisodiy tanglik va inqirozlardir. Inqirozlar natijasida iqtisodiy pasayish, ishsizlik, inflyasiyaning kuchayishi, xalq turmush darajasining yomonlashuvi sodir bo‘ladi. Shu boisdan ham davlatning iqtisodiyotga aralashuvi va uni ustuvor ravishda iqtisodiy dastak va vositalar yordamida tartiblashi zarur bo‘ladi. Bu esa zamonaviy bozor iqtisodiyotining o‘zini o‘zi tartiblashning bozor mexanizmi bilan uni davlat tomonidan tartibga solish mexanizmini uyg‘unlashtirishni hamda unga mos ravishda davlat iqtisodiy siyosatini shakllantirishni taqozo etadi.