Musobaqalarning ahamiyati. Musobaqa nizomi va o’yin qoidalari. Futbol qoidalariga eslatma

Maydondan chetlatish bilan jazolanuvchi qoida buzilish holatlari
Agar o‘yinchi quyidagi 7 qoida buzilish holatlarining birini sodir etsa, hakam tomonidan qizil kartochka ko‘rsatish orqali ogoxlantiriladi:

• 
  o‘ta qo‘pol va xavfli harakatni amalga oshirsa;
  
• 
  o‘zini juda betartib xolda tutsa;
  
• 
  raqib o‘yinchisi yoxud boshqa kimsaga nisbatan tupursa;
  
• 
  to‘pni atayin qo‘li bilan ushlab qolish orqali raqib jamoa o‘yinchilarining to‘pni darvozaga kiritishiga xalaqit qilsa (darvozabon o‘z jarima maydonchasi ichida to‘pni qo‘li bilan o ‘ynashi bundan mustasno);
  
• 
  erkin zarba, jarima to‘pi yoki 11-metrlik jarima to‘pi belgilash bilan jazolanuvchi qoida buzilishi holatini sodir etgan holda zarba berish holatiga chiqayotgan raqib o‘yinchisini to‘xtatib qolsa;
  
• 
  xaqoratli, odobsiz so‘z va iboralarni ishlatsa;
  
• 
  bir o‘yinda ikki marta sariq kartochka bilan ogoxlantirilsa.
  

ERKIN ZARBA
Majburiy ishora
Erkin zarba berilishi oldidan hakam qo‘lini boshi uzra ko‘tarib, zarba berilgach, to‘p o‘yinchilardan biriga tekkuncha, yoki maydonni tark etguncha qo‘lini tushirmaydi.
To‘p darvozaga borib tushdi
Erkin zarba yo‘llangandan keyin flaqatgina to‘p o‘yinchilardan biriga tegib, darvozaga borib tushgan holdagina gol inobatga olinadi.

• 
  Agar erkin zarbadan so‘ng, to‘p hech kimga tegmasdan raqib darvozasi to‘riga borib tushsa, gol hisoblanmaydi va to‘p darvoza maydonchasidan o‘yinga kiritiladi.
  
• 
  Agar erkin zarba ijro etilgandan so‘ng to‘p hech bir o‘yinchiga tegmasdan, o‘z darvozasi to‘riga borib tushsa, raqib jamoa foydasiga burchak to‘pi beligilanadi.
  

Burchak to‘plari quyidagi hollarda belgilanadi:

1. 
   To‘p darvoza chizig‘idan erda yoki havoda to‘liq kesib o‘tgan bo‘lsa va bu to‘pga so‘nggi bo‘lib himoyalanayotgan futbolchi tekkan bo‘lsa. Bundan oldin 10-qoidaga ko‘ra to‘p darvozaga kirmagan bo‘lsa.