Мустақил иш Мавзу: муваффақиятли юрист карьерасини

4. Мақсадга эришишда 100 фоиз қоидаси. Кундалик кичик мақсадларни амалга оширишда “Уч Ҳарвард” саволи техникаси.

Нима учун баъзан қўйилган мақсадга етишиш қийин туюлади?

Чунки унга эришиш йўлида тез-тез сабрсизлик, қатьиятсизлик, иродасизлик вужудга келади. Бошланган ишни ярим йўлда қолдириш ёки унинг бажарилишини бироз орқага суриш ялқовликнинг белгиси ҳисобланади. Режалаштирилган мақсад 100 фоиз бўлмаса-да, 99 фоизга бажарилиши билан шахс ўзини алдаши мумкинлиги мақсадга тўлақонли эришишдаги тўсиқлардан биридир. Агар сиз режангизни 99 фоизга бажарсангиз, у ҳолда доимо омадсизлик ва ўзингизга бўлган ишончсизликдан жабр кўрасиз. Шу боис ҳаётда 100 фоиз қоидасини қўллаш лозим. 
Кўзлаган режангизни 99 фоизга бажариш қийин, чунки ишингизни охиригача бажармаганлик ҳисси сизни тарк этмайди, 100 фоизга уддалаш эса осон. Бунинг учун “бугуннинг, ҳозирнинг ўзидаёқ бажараман”, “қиламан” дея иродани ишга солиш ва унга оғишмай амал қилиш мақсадга мувофиқдир. 
Мисол учун ҳуқуқшуносликнинг муҳим муаммоларига бағишланган талабалар илмий конференциясига тайёрланяпсизми? Демак, қолган вақтнинг ҳар бир соатини айни мақсадга элтувчи вазифаларни тўлиқ бажаришга сарфлашга ўрганинг, ўзингизни ўргатинг! Ишонинг, бу ҳаракат маълум вақт ичида сиз учун оддий ҳаётий кўникмага, сизни илҳомлантирувчи одатга айланади.
Агар кунлик режани амалга оширмасангиз, демак сиз 100 фоиз қоидасини қўлламадингиз. 100 фоиз қоидасини қўллаганингизда эди, кунлик режани бажармаганингиз учун кечаси ухлай олмаган бўлардингиз.
100 фоиз қоидасини ҳаётга татбиқ қилишда 4 қадам усулидан фойдаланиш таклиф этилади. 
1. 100 фоиз бажарилиши талаб этиладиган режага қатьий риоя этиш.
Режаларингизнинг айнан қайси бири 100 фоиз қоидасини қўллашни талаб қилишини англаб етишингиз керак. Асосан бундай масала кундалик режаларда намоён бўлади. Бундай режаларни, одатда, нисбатан осонроқ уддалаш мумкин. 
Бироқ, шуни унутмаслик лозимки, 100 фоиз қоидасини қўллаш бу – атрофдаги қолган барча нарсалардан воз кечиш, дегани эмас. Иш – ўз ўрнида, ҳордиқ – ўз ўрнида, таълим олиш ҳам четда қолмаслиги зарур.