Mustaqillik bayrami

MUSTAQILLIK B A Y R A M I .

Bogcha xovlisi bayramona bezatilgan “ O‘zbekiston “ musikasi sadosi ostida kichik ofitserlar saxnaga kirib keladilar .

“ O‘zbekiston Davlat Madhiyasi “ yangraydi .

Bola: Tashlab dadil mardona qadam, biz maydondan o‘tamiz shahdam,

Eru osmon kelar larzaga, qushiq bizga jo‘rovoz hamdam.

Bola: Amir Temur avlodlarimiz, ozod yurtning farzandlarimiz.

O‘zbekiston askarlarimiz, yosh navqiron navkarlarimiz.

Bola: Qo‘limizga tutamiz qurol, burchimizni o‘taymiz halol.

Kuragimiz qalqon hamisha, diyorimiz qo‘rmagay zavol

Bola: Vatan-iymon, Vatan-jonimiz sarxadlarin posbonlarimiz.

El yashasin tinch va osuda, musaffodir yurt osmonimiz.

Musika ostida Ofitserlar chikib ketishadi.

Boshlovchi : Assalom ey lola yuzli, dilrabolar assalom!

YUzi gul sochi sumbul, maxluqolar asssalom!

Mustaqil yurt gul g‘unchasin, oq yuvib oppoq tarab,

Tunu kun parvona bo‘lgan, mehrigo‘yolar assalom.

Xush kelibsiz dil mayli, bizning go‘zal bog‘chaga

Ozod o‘zbek diyorda, kezar tantana sayli

SHu bayramda do‘stlarim dillar dilga payvasta

Bu baxtiyor bolalar kelajakdan guldasta

Assalomu alaykum hurmatli mexmonlar , aziz bolajonlar ! Bugun mustaqillik bayramimizni nishonlash uchun yig‘ilganmiz . Bu bayramni tinch – totuv yashayotgan xalkimiz zo‘r hursandchilik bilan kutib olishyapti. Xalkimiz mehnatlari bilan Respublikamiznining gullab yashnashida, ravnaq topishida o‘z hissalarini qo‘shmokdalar .

Bola : Qanday go‘zal yurtimning , chamanzor bog‘i .

Bizday kichkintoylarga ochiq quchog‘i .

Bola : Biz esa shu gullarning toza gulimiz .

Quyosh sochar nur shu’la , porloq yuzimiz .

Bola : YAyraymiz biz chamanda , erkin qush misol .

Mustaqillik quyoshi berdi baxt – iqbol .