Н а м о з – энг улуғ ибодат (МУсулмон йигит-қизларнинг дин китоби)

---

Н А М О З –
ЭНГ УЛУҒ ИБОДАТ
(МУсУЛМОН йИГИТ-қИЗЛАрНИНГ ДИН кИТОБИ)
ИЗДАТЕЛЬСКИЙ ДОМ «ХИЛАЛ»
ИЗДАТЕЛЬСТВО «ДИЛЯ»
МОСКВА – 2013

---

УДК 28-534.3
ББК 86.38
M92
M92
Намоз – энг улуғ ибодат (Мусулмон йигит-қизларнинг дин 
китоби
) / Ответ. ред. А.Турсун. – М.: «Хилал», 2012. – 96 с.
ISBN 978-5-91975-013-0
УДк 28-534.3
 
 
 
 
 
 
 
ББк 86.38
© Издательский дом ООО «Хилал», 2012
Издательство «Диля», 2013

---

3
ДИН ВА ШАрИАТ НИМА?
(МУқАДДИМА ўрНИДА)
Бисмиллаҳир роҳманир роҳийм. Аллоҳ таолога беҳисоб ҳам-
ду санолар, Пайғамбаримиз Муҳаммад алайҳиссаломга беадад 
салавоту дурудлар бўлсин!
Алҳамдулиллаҳ, барчаларимиз мусулмонлармиз, суюкли Пай-
ғамбаримиз Муҳаммад алайҳиссалом келтирган Ислом динининг 
ҳақ эканлигига эътиқод қиламиз, унинг аҳкомларини адо этамиз. 
Гоҳида шундай савол ҳам туғилиб қолади: дин нима ўзи?
Дин – «итоат, парҳез, эътиқод, ҳисоб, ишонч, мукофот, ҳукм, 
йўл тутиш» деган маъноларни билдиради. Дин илоҳий йўл-йўриқ, 
Аллоҳ таоло буюрган ҳукмлар, ибодатлар ва ақийда мажмуидир. 
Дин ақлли инсонларни хайрли ва эзгу ишларга етаклайди, фақат 
яхшиликка бошлайди. Ейиш, ичиш, ухлаш моддий эҳтиёж бўлга-
нидек, дин ҳам маънавий эҳтиёждир.
Барча пайғамбар алайҳимуссалом даъват этган динларнинг 
асоси битта: пайғамбарлар инсонларни оламни ягона Аллоҳ 
таоло яратганига иқрор бўлишга ва фақат Унга ибодат қилишга 
даъват этишган. Улар етказган ҳукмлардагина фарқ бор, асо-
сий даъватларида эса фарқ йўқ. Дунёда дини, ишончи бўлмаган 
бирор миллат ёки халқ йўқ. Чунки ҳеч бир миллат, халқ дин-
сиз яшай олмайди. Динсизлик, Аллоҳга, Унинг ваҳийларига, 
охиратга ишонмаслик (яъни куфр келтириш) инсониятнинг энг 
катта кулфатидир. «Куфр» сўзи луғатда «инкор этиш», «рад қи-
лиш» «беркитиш» маъноларини билдиради. Шаръий ҳукмлар-
ни инкор этувчи одам «кофир», унинг қилмишлари «кофирлик» 
дейилади. Аллоҳнинг борлигини ва бирлигини, Муҳаммад 
алайҳиссалом етказган хабарларни инкор, рад этганлар кофир 

---

4
саналади. Яна инсон ўзининг асл табиати тасдиқлайдиган ҳақ 
йўлни тан олмаса, ички туйғу ҳақиқатини беркитса, ҳақни бер-
китган бўлади. Шунингдек, киши Аллоҳни инкор этмаса-да, 
иймон келтириш зарур бўлган хабар ва фарзларни рад қилса, 
шаръий муқаддасотларнинг ҳурматини топтаса, шаръий ҳукм-
ларни масхара қилса ҳам кофир бўлади. Кофирнинг жойи дў-
захдадир.
Ҳар қандай дин, эътиқод ҳам тўғри бўлавермайди. Энг тўғри, 
ҳақ дин – Аллоҳнинг хушнуд бўлган, танлаган дини Ислом динидир. 
У бутун инсониятга юборилган, Аллоҳнинг элчилари томонидан 
ўргатилган умумий диндир, барча пайғамбарларнинг динидир.
«Ислом» – «бўйсуниш, тоат, ихлос, тинчлик, сулҳ» демакдир. 
Ислом тавҳид (яккахудолик) динидир. Аллоҳ таоло юборган бар-
ча пайғамбарлар инсониятни асоси бир динга – Аллоҳ таолонинг 
борлиги ва бирлигига, Унинг китобларига, фаришталарига, пай-
ғамбарларига ва Қиёмат кунига иймон келтиришга, фақат Унга 
ибодат қилишга даъват этишган. Ислом динидаги кишилар «му-
сулмон-муслим» деб аталади. Ҳозир ер юзида бир ярим миллиард 
нафар мусулмон бор.
Мусулмонлар Ислом шариатига мувофиқ ҳаёт кечирадилар.