N. Hakimov, E. Abdullayev, F. Halimov, A. Xamidova umurtqasizlar zoologiyasidan amaliy mashg’ulotlar

Ishni bajarish

1-ish. Dengiz yulduzining tashqi tuzilishi bilan tanishing. Buning uchun dengiz yulduzining oral va aboral tomonlarini aniqlab oling. Og’iz va anal teshiklari hamda madrepor plastinkalarini toping. Ushbu qism va organlarni qo’l lupasi yordamida sinchiklab o’rganing. Tana qoplag’ichidagi ohakli ignalar, teri jabralari va tuzilishini qo’l lupasi yordamida tahlil qiling.

2-ish. Dengiz yulduzining ichki organlari va ambulakral sistemasini o’rganish uchun har bir nurning ikkala chekka qismidan, aboral qutbga yaqinroq joyidan o’tkir uchli qaychi bilan kesing. Kesishni nurlar orasida ham davom ettirib, madrepor plastinkasi yonida kesishni orqa tomonidan o’tkazing. Orqa tomoni ochilgan dengiz yulduzini vannachaga solib, ignalar bilan qadab, vannachaga suv to’ldiring. Dengiz yulduzining aboral tomonidagi tana qoplag’ichini qisqich bilan ko’tarib, qoplag’ichga yopishib turgan ichki organlarni kesib oling, lekin madrepor plastinkasi va uning atrofi terisi qoldiriladi. Ochilgan hayvonning ichki organlaridan ovqat hazm qilish va ambulakral sistemalarini lupa yordamida o’rganing.

3-ish. Dengiz tipratikani tanasining tashqi tuzilishini va undagi organlarni qo’l lupasi yordamida ko’zdan kechiring. Og’iz, anal teshigi, madrepor plastinkasi, ko’z, genital plastinkalar, ohak ignalar, pedisellariyalarni farqlang.

4-ish. Dengiz yulduzining umumiy tuzilishi, uning bitta nuri bo’ylama kesimini tuzilishi va dengiz tipratikanini umumiy ko’rinishi hamda aboral qutb plastinkalari tuzilishi rasmlarini chizing va ifodalab qo’ying.