Namangan davlat universiteti 70220301 – Tarix (yo‘nalishlar va faoliyat turi bo‘yicha) magistratura mutaxassisligi 1-kurs talabasi Olimova Ra’noxon Rasuljon qizining 2021 – 2022-o‘quv yili mart oyi uchun
HISOBOTI
O‘quv metodik ishlar:
Men 2022-yil mart oyi davomida 70220301 – Tarix (yo‘nalishlar va faoliyat turi bo‘yicha) magistratura mutaxassisligi o‘quv rejasi va u asosida tuzilgan dars jadvali asosida – “XX asrda Yevroosiyoda siyosiy jarayonlar va zamonaviy tendensiyalar”, “O‘rta asrlar Yevropasi manbashunosligi va tarixshunosligi”, “O‘zbekistonda millatlararo munosabatlar va toleranlik” kabi fanlarni universitetning yetakchi professor-oqituvchilari – prof. T.Fayzullayev, dots. A.Pozilov, dost. A.Erqo‘ziyev, dots. B.Xalmuratovlar yordamida o‘zlashtirilib bormoqdaman.
Ilmiy pedagogik ishlar:
70220301 – Tarix (yo‘nalishlar va faoliyat turi bo‘yicha) magistratura mutaxassisligi o‘quv rejasi va magistrning ish rejasiga asosan, hafta davomida 4 soat ilmiy pedagogik ishga ajratilgan bo‘lib, shu asosida mart oyi davomida Tarix kafedrasining yetakchi professor-oqituvchilari – Z.Madrahimov, B.Tursunov, Y.Boltaboyev, M.Sharafiddinov va boshqalarning 4 ta juftlik (8 soat) darslarini kuzatdim (ilova qilinadi) va pedagogik tajriba oshirishga muvaffaq bo‘ldim.
Ilmiy tadqiqot ishlari:
Ilmiy rahbarim tarix fanlari nomzodi, dotsent Z.Sh.Madrahimov rahbarligida Sharqning eng qadimgi huquqiy hujjatlari (qadimgi ikki daryo oralig‘i, Bobil, Ossuriya va Xett qonunlari misolida) mavzusida magistrlik dissertatsiyasi ustida ilmiy-tadqiqot olib bormoqdaman. Bugungi kunga qadar Namangan viloyat Axborot Resurs markazi, Namangan davlat universiteti kutubxonasi va ilmiy internet saytlari orqali magistrlik dissertatsiyam uchun kerakli manbalar, ilmiy adabiyotlar, maqolalar, nomzodlik va doktorlik dissetatisiylarini to‘pladim va adabiyotlar to‘plash jarayonini deyarli yakunladim. Bugungi kunda to‘plangan adabiyotlar bilan tanishib chiqmoqdaman. O‘z navbatida to‘plangan adabiyotlar asosida bir necha maqolalar tayyorladim. Alisher Navoiy va Zahiriddin Muhammad Bobur ijodiga bag‘ishlangan “New research on the works of Alisher Navoiy and Zahiruddin Muhammad Babur” nomli konferensiyada va Respublika yosh olimlar Kengashi tomonidan Yoshlar ishlar Agentligi bilan hamkorlikda “Ilm-fanda yosh xotin-qizlarning o‘rni. Yangi tendensiyalar va isitqbollari” mavzusida ilmiy-amaliy anjumanda o‘z ilmiy maqolalarim bilan ishtirok etdim.
Ma’naviy-ma’rifiy va sport tadbirlardagi ishtiroki:
2022-yil mart oyi davomida Iqtidorli yoshlarni qo‘llab-quvvatlash maqsadida Registon ta’lim markazi loyihasi tomonidan Oliy va o‘rta maxsus ta’lim vazirligi va OLIYGOH.UZ ta’lim platformasi hamkorligida Respublika miqyosida tashkil etilgan Registon stipendiyasi tanlovida, Respublika ta’lim markazi , KHISO olimpiada maktabi va Yoshlar ishlari agentligi Xoramz viloyati boshqarmasi bilan hamkorlikda tashkil etilgan olimpiadalar marafoni doirasida o‘qituvchilar o‘rtasida tarix va ingliz tili fanlari bo‘yicha olimpiadada faol ishtirok etdim. Bundan tashqari Namangan davlat universiteti va Namangan viloyati miqyosidagi bir qator jamoat ishlarida, turli ma’naviy tadbirlarda ishtirok etdim.
Magistr: R.Olimova
Do'stlaringiz bilan baham: |