Nazariy tilshunoslik masalalari

O‘quv fanining prorekvizitlari
«Nazariy tilshunoslik masalalari» asosiy ixtisoslik fani hisoblanib, unda tilshunoslikning tabiati va predmetini belgilash, tilning jamiyat va tafakkur bilan munosabati natijasida sotsiolingvistika, mentalingvistika, lingvosemiotika singari tutash fanlarning yuzaga kelish jarayonini yoritish, tilning tafakkur, psixik faoliyat, ijtimoiy-sotsial institutlar, tabiat hodisalari, boshqa belgili tizimlar bilan yaqinlashtiruvchi konsepsiyalarning sezilarli ta’sirini o‘rganish, til va nutq antinomiyasi (dixotomiyasi) haqidagi farazning yuzaga kelish sabablarini izohlash, til va nutq qarama-qarshiligi haqidagi e’tirof etilgan jihatlar: doimiy va o‘zgaruvchan, zamonaviy va tarixiy, logik va psixologik, sotsial va individual, nutq faoliyati va uning natijasi, tizim va jarayon, shakl va mazmun kabilarning mazmun-mohiyatini ifodalash xususida ilmiy-nazariy ma’lumotlar beriladi.
O‘quv fanining postrekvizitlari	«Tilshunoslik va tabiiy fanlar», «Sotsiolingvistika», «Lingvistik strukturalar», «Til qurilishi birliklari», «Psixolingvistika» kabi fanlar uchun asos bo‘ladi va uni to‘ldirishga yordam beradi.
O‘quv faninining dolzarbligi va mazmuni	Fanni o‘qitishdan maqsad: «Nazariy tilshunoslik masalalari» kursi tilshunoslik fanining nazariy poydevorini tashkil etib, fanning maqsadi lingvistikaning tabiati va predmetini belgilash, obyektiv borliqdagi hodisalarga tilning munosabatini o‘rganish, mavjud metod va metodologiyalardan talabalarni puxta xabardor etishdan iborat. Ushbu kurs magistrant talabalarning umumlingvistik tayyorgarligini, bilim doirasini yanada kengaytirish va chuqurlashtirish, yangi nazariy va metodologik materiallar bilan tanishtirish, ijodiy mulohaza yuritishga, izchillikka undash, nazariy bilim saviyasini oshirish, talabalarni ilmiy tadqiqotning, lisoniy tahlilning metodikasi va metodologiyasi bilan qurollantirish vazifasini qo‘yadi.