|
XULOSA…………….…………………………………………....…............
TAVSIYALAR...............................................................................................
ADABIYОTLAR….......……………………………………………….........
ILOVALAR……………....……………………………………………..........
KIRISH
Bitiruv malakaviy ishining dolzarbligi. Mamlakatimizda amalga oshirilayotgan islohotlarning muvaffaqiyati ko’p jihatdan ta’lim-tarbiya tizimini hozirgi darajasiga ko’tarish, har tomonlama barkamol shaxsni shakllantirishga, ya’ni pirovard natijada malakali kadr tayyorlashga bog’liq. Chunki jamiyat taraqqiyotining asosini uning iqtisodiy va ijtimoiy rivojlanganligi bilan bir qatorda shu jamiyatda yashayotgan fuqarolarning intellektual va ma’naviy salohiyati ham belgilab beradi. Shu nuqtai nazardan qaraganda har bir davlatning istiqboli, uning ta’lim-tarbiya tizimi qaydarajada ekanligi bilan belgilanadi.
O’zbekiston Respublikasi Prezideneti Sh.M.Mirziyoyev 2016-yil yakunlarida “Eng avvalo yoshlar va aholi o’rtasida mamlakatimizning boy tarixi, uning betakror madaniyati va milliy qadriyatlarini keng targ’ib qilish, jahon ilm-fani va adabiyoti yutuqlarini yetkazish uchun zarur muhit va shart-sharoit yaratish ustuvor vazifalardan hisoblanadi”, deb takidlab o’tdi.
Prezidentimizning “O’zbekiston Respublikasini yanada rivojlantirish bo’yicha Harakatlar strategiyasi to’g’risida”gi Farmonida aholi bandligini oshirish, fuqarolarni ijtimoiy himoya qilish va ularni salomatligini saqlash, maktabgacha ta’lim, umumiy o’rta ta’lim, o’rta maxsus va oliy ta’limni sifatini yaxshilash hamda ularni rivojlantirish chora-tadbirlarini amalga oshirishni nazarda tutadi.1
BMTning o’smirlar muammolari bilan shug’ullanuvchi UNICEF tashkilotining ijtimoiy monitoring natijalarida ham O’zbekiston bu borada o’ziga xos yutuqlarga erishayotgan davlatlardan biri ekanligi ko’rsatiladi
Hozirgi kunda yaxshi ish topish uchun raqobatbardosh, o’z maqsadini, faoliyatni aniq biladigan o’ziga ishonchi yuqori bo’lgan, har qanday qiyinchilikni yengib o’ta oladigan xususiyatlarga ega bo’lish shaxsdan talab qilinadigan sifatlar qatoriga kiradi. Hozirgi iqtisodiyot ja.rayonida biriruvchilarni ishga taqsimlash davlatimiz tomonidan nazarga olingan bo’lsa-da, yaxshi ish joyiga ega bo’lish kuchli raqobatbardosh har bir kadrning istagi.
Barkamol avlodni tarbiyalash insoniyatning eng yorqin orzusi bo’lib kelgan. Biroq dunyo xalqlarining barchsi ham bu haqda o’ylayvermaydi. Bunday orzudagi insonlar azaliy ma’rifatga, madaniyatga mansub bo’lgan yurtlarning donishmandlari – eng mo’tabar ziyolilari, hukmdorlari hisoblangan. Ularning orasida O’zbekiston deya atalmish muazzam zaminimizda yashagan bobolarimizning o’z o’rni, hurmati bor. Bu jahon hamjamiyati tomonidan qabul qilingan haqiqatdir. Barkamol avlodni tarbiyalash orzusiga o’z tariximizdan juda ko’p dalillar keltirishimiz mumkin. Al-Forobiyning “Fozil odamlar shahri” asaridagi g’oyani esga oling. Unga ko’ra, jamiyatning har bir fuqarosi – mansabi, tutgan o’rni, ya’ni kim bo’lishidan qat’iy nazar FOZIL kishi. Fozil kishi o’z davlatining barcha qonun-qoidalarini yaxshi biladi, unga amal qiladi, fikrlaydi, o’z kasbining ustasi, lozim bo’lganda Vatani uchun jon fido qiladi. Ota-ona va farzand, ustoz-u shogird o’rtasida sharqona nazokat, mehr va ehtirom bo’ladi.2 Avvalo bunday fikr yuritishning o’zi bobolarning ma’naviy darajasi naqadar yuksak bo’lganligini va albatta bunday fikr aytish bu boradagi ko’p asrlik meroslarni o’rganish natijasida vujudga kelishini ta’kidlash joiz. Demak bizning barkamol avlod tarbiyalash haqidagi niyatimiz uchun ma’naviy asos bor. Millatimiz urf-odatlaridagi, qonidagi ma’rifat tushunchasi, ilm va bilimga intilish xislati bir necha ming yillar davomida shakllangan, sayqal topgan.
Bobolarning shu kabi o’y-fikrlari tildan tilga ko’chgan, kitoblarda qolgan. Bundan xalq, ayniqsa yurtboshilar xabardor bo’lishgan. Chunonchi sohibqiron Amir Temur ham buyuk davlat qurishda, ish yuritishda o’tib ketgan bobolarning o’gillari, davr donishmandlarining maslahatlari bilan ishlaganligi tarixiy manbalardan ayon. Butun dunyoga ma’lumki, o’sha davrlarda ilm-fan rivoji uchun sharoit yartilgan. Madaniyat rivojlangan, butun dunyoni lol etayotgan osmono’par minora-yu masjidlar bunyod etilgan. Bu davlatni barcha davlatlar eng yuqori madaniyat o’chog’i sifatida qarashgan, o’z elchilarini jo’natishgan. Elchilarni jo’natish mazkur davlatni hurmat qilish, tan olish natijasidir.
Shaxslararo munosabatlarda namoyon bo’luvchi xulq-atvor tiplaridan biri, bu – agressiyadir. Inson dushmnaligini o’rganish serqirra mavzu bo’lib, u ushbu fenomenning asl mohiyatini ochib berishga urinayotgan olimlarning diqqatini o’ziga tortib keladi.
Dushmanlik jamiyatga moslashishini qiyinlashtiradi. Dushmanlik kishilar shaxslararo munosabatlarda, o’zaro so’zlashuvlarda qiyinchilik his qiladi. Shundan kelib chiqib, shaxs psixokorreksiyasining asosiy vazifasi dushmanlik hissini kamaytirib, jamiyat ravnaqi uchun sidqidildan xizmat qiladigan raqobatbardosh kadrlarni tayyorlashdan iborat.
O’smirlaridagi dushmanlik tengdoshlari bilan shaxslararo munosabatiga, o’zini baholashga, natijada nomukammallik kompleksining paydo bo’lishiga olib keladi. Shu nuqtai nazardan o’smirlardagi dushmanlik muammosini o’rganish g’oyat dolzarb hisoblanadi
Do'stlaringiz bilan baham: |
