Nizoniy nomidagi Toshkent Davlat Pedagogika Universiteti Mavzu: Imom Ismoil al- buxoriy bajardi: Alimova Kamola tekshirdi: Ahmedova z reja

Nizoniy nomidagi Toshkent Davlat Pedagogika Universiteti




Mavzu: Imom Ismoil al- Buxoriy

BAJARDI: Alimova Kamola
TEKSHIRDI:Ahmedova Z

Reja:

1. 
   Imom Ismoil al-Buxoriy hayoti
   
2. 
   Imom Ismoil al-Buxoriy ijodining ilk davri
   
3. 
   Imom Ismoil al-Buxoriy - taniqli muxaddis olim, hadis ilmining sultoni.
   
4. 
   Abu Abdulloh Muhammad ibn Ismoil al-Buxoriyning “Al-Jomi’- as-Sahih” kitobidan hadis namunalari
   

Imom Ismoil al-Buxoriy
Imom Ismoil al-Buxoriy - taniqli muxaddis olim, hadis ilmining sultoni. Hadis ilmiga o’zining aql-zakovatini baxshida etishi, islom dunyosining eng buyuk allomalaridan biri sifatida tanilishida katta hissa qo’shdi. Yosh avlodni diniy qadriyatlarimizga, an’analarimizga, sadoqat ruhida tarbiyalashda Buxoriyning boy ma’naviy merosi tarbiyaviy ahamiyatga molik.
Tarixga murojaat qilar ekanmiz,bu xalq xotirasi ekanligini nazarda tutishimiz kerak. Xotirasiz barkamol kishi bo`lmaganidek, o`z tarixini bilmagan xalqning kelajagi ham bo`lmaydi."
"Xalqimizning xotirasi ajoyib nomlarga boy. Butun jahonga mashg`ur bo`lgan Beruniy, Al-Xorazmiy, Ibn Sino, Imom Buxoriy, Al-Termiziy, Ahmad
Yassaviy, Ulug`bek, Navoiy va boshqa ko`pgina allomalarning ma'naviyati keng va ayni vaqtda qismati og`ir bo`lgan siymolardir."
I.A.Karimov.

Abu Abdulloh Muhammad ibn Ismoil ibn Ibrohim ibn al-Mug‘ira ibn Bardazbah al-Juafiy al-Buxoriy
Otasi Ismoil o’z davrining yetuk muxaddislaridan, Molik ibn Anasning shogirdi va yaqinlaridan biri bo’lib, tijorat ishlari bilan shug’ullangan. Onasi taqvodor, diyonatli, oqila ayol edi. Otasi vafot etgach, uning tarbiyasi volidasi zimmasiga tushgan. U 5-6 yoshdan islomiy ilmlarni, Muhammad (s.a.v.)ning hadislarini o’rganishga va yodlashga kirishadi.

Taniqli muxaddislar – al – Doxiliy Muhammad ibn Salom al-Paykandiy, Muhammad ibn Yusuf al – Poykandiy, Abdullox ibn Muhammad al-Masnadiy va boshqalardan saboq olgan. Azaldan muxaddislar safarga chiqishdan oldin o’z yurtidagi roviylardan birorta ham hadis qoldirmasdan yozib olgan bo’lishi va shundan keyingina boshqa shahar yoki mamlakatga safarga otlanishi mumkin edi. 

Buxoriy 16 yoshga yetguncha, o’z yurtidagi mashoyixlardar hadis eshitib, yozib olib, xalifalikning turli viloyatlari tomon yo’l oladi. 825 yil Buxoriyning onasi va akasi Ahmad bilan Makkaga kelib, haj ibodatini ado etadi. Onasi va akasini Buxoroga qaytarib, o’zi Makkada qoladi. Bu yerda faoliyat ko’rsatayotgan mashoyixlarning ilmiy yig’inida qatnashadi. 827 yili Madinaga boradi.Imom Buxoriyning ko'zlari yoshlik paytlarida ojiz bo'lib, ko'rmay qoladi. Onalari Ibrohim payg'ambarni tush ko'radilar. U kishi: «Ey ayol, Alloh taolo ko'p duoing sababli o'g'lingga ko'zini qaytarib beradi», deydilar. Bir necha kundan so'ng Imom Buxoriyning ko'zlari yana ko'ra boshlaydi. Imom 18 yoshga to'lganlarida onalari va akalari bilan haj qilish uchun Makkai Mukarramaga keladilar. Haj amallarining bajarib bo'lgach, onalari va akalarini Buxoroga jo'natib, o'zlari hadis jamlash uchun shu erda qoladilar.