Nókis qalalıq xalıq bilimlendiriw bólimine qaraslı

VI. MIYNET TÁRTIBI
52. Xızmetkerler tárepinen miynet wazıypalarınıń orınlanıwı miynet shártnamaları, strukturalıq bólimsheler haqqındaǵı qaǵıydalar, lawazım kórsetpeleri, ádep-ikramllıq qaǵıydaları, Mektep Ustavı hám Ishki miynet tártibi qaǵıydalarına muwapıq támiyinleniwin hám qadaǵalanıwın tárepler óz moynına aladı.

53. Ishki tartipti belgilewshi hújjetler xızmetkerlerge tanıstırıw Jumıs beriwshiniń májbúriyatı esaplanadı. Tártip qaǵıydaları menen tanıstırılmaǵan xızmetkerge usı qaǵıydalardıń buzılıwı múnásibeti menen intizam sharaların kollanıw múmkin emes.

54. Jumıs beriwshi Miynet kodeksiniń 180-statyassına muwapıq:

- xızmetkerlerdi jumıstaǵı jetiskenlikleri ushın tarawlıq hám mámleketlik sıylıqlarına usınıs etiwdi;

- xızmetkerlerdi miynettegi tabısları ushın hámde yubiley sánelerinde (50, 55, 60 jasqa tolǵanda):

- pul sıylıqları menen;

- alǵıs járiyalaw menen;

- qımbat bahalı sawǵalar menen;

- sayaxatlarǵa jiberuiw;

-sanatoriy-profilaktoriyǵa, sonday-aq Ózbekstan Respublikasınıń sanatoriyaları hám dem alıs úylerine jollamalar beriw jolı menen XOShAMETLEWDI óz moynına aladı.

Miynet kodeksiniń 180-statyası, 3-xatbası tiykarında, Is haqı, xoshametler, qosımsha tólemler, ustemeler hám miynet haqı diziminde názerde tutılǵan basqa tólemler xoshametlew túrlerine kirmeydi.

Intizam jaza ámel etip turǵan múddet ishinde xoshametlew sharaları qolanılmaydı.

Mektep kásiplik awqam komiteti intizam jazaǵa tartılǵan xızmetkerlerge tólemler ádalatlı tóleniwin qatań qadaǵalawı lazım.