Noorganik moddalar kimyoviy texnologiyasi

2) Oraliq nazorat – institut o`quv jarayoni jadvaliga
binoan o`tkaziladigan, fanning bir necha mavzularini o`z ichiga olgan, ya`ni fan o`quv dasturining tegishli bo`limi tugallangandan so`ng talabaning bilim va amaliy ko`nikma darajasini aniqlash va baholash usuli.
“Noorganik moddalar ishlab chiqarish nazariyasi va texnologik hisoblari” fani bo`yicha oraliq nazorat o`quv yili semestrining 7, 13, 17 - haftacida o`tkaziladi.
Oraliq nazorat topshiriqlari yangi o`quv yili boshida kafedra professor-o`qituvchilari tomonidan tuzilib, kafedra majlisida muhokama qilinadi va tasdiqlanadi. Tasdiqlangan oraliq nazorat topshiriqlari oldindan talabalarga tarqatiladi.
Oraliq nazoratni o`tkazish jarayoni kafedra mudiri tomonidan tuzilgan komissiya ishtirokida davriy ravishda o`rganib boriladi va uni o`tkazish tartibi buzilgan hollarda, oraliq nazorat natijalari bekor qilinadi hamda oraliq nazorat qayta o`tkaziladi.


3) Yakuniy nazorat – semestr yakunida muayyan fan bo`yicha nazariy va amaliy ko`nikmalarni talabalar tomonidan o`zlashtirganlik darajasini baholash usuli. Mazkur fan bo`yicha yakuniy nazorat semestrning oxirgi ikki haftasi mobaynida O`quv-uslubiy boshqarma tomonidan tuzilgan qat`iy jadval asosida belgilangan auditoriyada “Yozma ish” shaklida o`tkaziladi.


P. Baholash tartibi va mezonlari

“Noorganik moddalar ishlab chiqarish nazariyasi va texnologik hisoblari” fani bo`yicha talabalarning bilim saviyasi, ko`nikma va malakalari nazorat qilishning reyting tizimi asosida ballarda ifodalanadi.

Talaba mazkur fan bo`yicha yig`ishi mumkin bo`lgan maksimal ball – 100 ball bo`lib, u quyidagicha taqsimot qilinadi:
– joriy nazorat – 35 ball;
– oraliq nazorat – 35 ball;
– yakuniy nazorat – 30 ball.
Fan bo`yicha joriy va oraliq nazoratlarga ajratilgan umumiy ballning 55 foizi saralash ball hisoblanadi. Ushbu foizdan (55 foiz) kam ball to`plagan talabalar yakuniy nazoratga qo`yilmaydi.
Joriy va oraliq nazorat turlari bo`yicha 55 va undan yuqori balni to`plagan talaba fanni o`zlashtirgan deb hisoblanadi va ushbu fan bo`yicha yakuniy nazoratga kirmasligiga ham yo`l qo`yiladi.
Talabaning semestr davomida fan bo`yicha to`plagan umumiy bali har bir nazorat turidan belgilangan qoidalarga muvofiq to`plagan ballari yig`indisiga teng.