Нотариал палата ва Мажбурий ижро бюроси ҳамкорлиги

Нотариал палата ва Мажбурий ижро бюроси ҳамкорлиги
Маълумки, Ўзбекистон Республикаси нотариал палатаси ҳамда Ўзбекистон Республикаси Бош прокуратураси ҳузуридаги Мажбурий ижро бюроси ўртасида ахборот-ҳуқуқий соҳасидаги ҳамкорликни ривожлантириш мақсадида Меморандум имзоланган эди.

Мазкур ҳамкорликка асосан вилоят ҳудудий нотариал палатаси ҳамда Бош прокуратураси ҳузуридаги вилоят Мажбурий ижро бюроси ўртасида икки томоннинг соҳа фаолиятларини тартибга солувчи қонун ҳужжатларини такомиллаштириш бўйича таклифлар ишлаб чиқиш, ижро ҳужжатларининг ягона электрон базаси билан “Нотариус” автоматлаштирилган ахборот тизимини интеграция қилиш орқали ижро ҳужжатлари ва бошқа маълумотлар билан ўзаро электрон равишда алмашиш амалиётини татбиқ этиш масалалари юзасидан Бюронинг мажлислар залида семинар ташкил қилинди.

Тадбирда томонлар келгусида вилоятда фаолият юритаётган хусусий амалиёт билан шуғулланувчи нотариуслар ва давлат ижрочиларини мунтазам ўқув-семинарларига жалб этиш, мулоқотлар уюштириш, иш давомида юзага келган муаммоларни биргаликда алмашишга келишиб олинди.
Бундан ташқари, вилоят раҳбарлари М.Насруллаев ва Х.Хўжамқулов томонидан меморандумдан кўзланган мақсад, томонларнинг фаолияти билан янада яқинроқ ва кенгроқ танишиш, тажриба алмашиш, тақдимотлар, тадбирлар ташкил этиш, ўқув-машғулотлар ташкил этиш усуллари, ҳуқуқий, услубий ва бошқа адабиётларни ўзаро алмашиш имконияти яратилиши таъкидланди.

Шунингдек, тадбир иштирокчиларини қизиқтирган соҳага оид саволларга мутахассислар томонидан батафсил жавоб берилди.
Яҳё БЕКНАЗАРОВ,
Бюронинг Самарқанд вилоят
бошқармаси бўлим катта инспектори.