О. Р. Райимбердиева бухгалтерия ҳисоби, ИҚтисодий таҳлил ва аудит

4. МАЪРУЗАЛАР КУРСИ 
 
1-Мавзу: Бухгалтерия ҳисоби, иқтисодий таҳлил ва аудитнинг предмети ва усуллари 
Ажратилган вақт – 2 соат 
Асосий саволлар: 
1. 
Бухгалтерия ҳисоби, иқтисодий таҳлил ва аудитнинг предмети. Корхона, унинг фаолият 
кўрсатиш шартлари. 
2. 
Хўжалик жараёнлари ва хўжалик маблағлари. 
3.
Бухгалтерия ҳисобининг усуллари (методи). 
Мавзуга оид таянч ибора ва тушунчалар:
Меҳнат воситалари, меҳнат буюмлари, 
муомала буюмлари, пул маблағлари, ҳисоб-китобдаги маблағлар, маданий-маиший бинолар, 
асосий маблағлар, айланма маблағлар, четга жалб қилинган маблағлар, фондлар, резервлар, 
кредитлар, кредиторлик қарзлар, ҳужжатлаштириш, инвентаризация, баҳолаш, калькуляция, 
счётлар системаси, икки ёқлама ёзув, баланс, ҳисобот. 
Мавзуга оид муаммолар: 
1. 
Бухгалтерия ҳисоби бошқариш учун зарур бўлган ахборотни шакллантиришдан 
иборат, деб қаралади. Бунга муносабатингиз қандай?
 
2. 
Счётлар ва икки ёқлама ёзув ёрдамида корхонани тезкор бошқариш, моддий 
жавобгар шахсларнинг амаллари мулкларнинг бут сақланиши устидан назорат амалга 
оширилади. Бунга ўз фикрингизни билдиринг 
1-савол бўйича дарс мақсади: 
Талабаларда бухгалтерия ҳисоби, унинг предмети, 
хўжалик жараёнлари, хўжалик маблағлари, бухгалтерия ҳисобининг усуллари тўғрисида 
тушунча ҳосил қилдириш. 
Идентив ўқув мақсадлари: 
1.1.
Бухгалтерия ҳисоби, иқтисодий таҳлил ва аудит фанининг предметини изоҳлаб бера 
олади. 
1.2.
Корхона, унинг фаолият кўрсатиш шартларини тушунтириб бера олади. 
1-савол баёни. Бухгалтерия ҳисоби, иқтисодий таҳлил ва аудитнинг предмети. 
Корхона, унинг фаолият кўрсатиш шартлари. 
Бухгалтерия ҳисоби корхона, ташкилот ва 
муассасаларда юритилади ва ижтимоий маҳсулотни такрор ишлаб чиқариш ҳисобланган 
хўжалик фаолиятини кузатиш ва бошқариш учун хизмат қилади. Ижтимоий маҳсулотни 
такрор ишлаб чиқариш ҳамма соҳаларни, яъни ишлаб чиқариш ва ноишлаб чиқариш 
соҳаларини ҳам ўз ичига олади.