Объектларига тегишли газни қайта ишлаш заводлари ва ишлаб чиқаришлари, табиий ва неффт газиги қайта ишлаш, олтангугурт олиш, г

6 - §. Назорат ўлчов асбоблари ва автоматика

193. 
     НЎА ва А бошқарув шчитида жойлаштирилган асбобларда аниқланаётган ва энг катта рухсат этилган ўлчамлар кўрсатилган ёзувлар бўлиши керак.
     
194. 
     Сигнал берувчи лампалар ва бошқа махсус асбобларда сигнал таърифини белгиловчи ёзувлар бўлиши лозим.
     
195. 
     НЎА ва А ўрнатилган тартибда мажбурий метрологик текширувдан ўтиши ва калибрланиши керак.
     
196. 
     Назорат қилиш, бошқарув, АҚҲ асбобларини тизимдан узиб қўйиб, технологик жараёнларни бажариш ва ускуналарни ишлатиш тақиқланади.
     
197. 
     НЎА ва А воситалари таъмирлаш, созлаш ёки текширишга олинса, уларнинг ўрнига дарҳол барча ўлчамлари бўйича ўхшашини ўрнатиш лозим.
     
198. 
     Сменадаги технологик ходимларга фақат айрим асбоб ва автоматлаштириш воситаларини, ишлаб чиқариш йўриқномаларига мос равишда аварияли тизимдан узиб қўйишга рухсат этилади.
     
199. 
     Ҳар бир технологик қурилма (объект)да ишлаб чиқариш йўриқномасида лойиҳалаш институти билан келишилган, жараёнларни ҳимоялаш ва тартиблаш воситаларини минимал рўйхати бўлиши ва улар ишдан чиққан ҳолда, қурилма (объект) тўхтатилиши ёки хавфсиз ишлаш режимига ўтказилиши керак.
     
200. 
     Носоз НЎА ва А, ҳамда текшириш муддати ўтган асбобларини ўрнатиш ва ишлатиш тақиқланади.
     
201. 
     Манометр унинг кўрсаткичлари хизмат қилувчи ходимга яққол кўринадиган қилиб ўрнатилиши керак, бу ҳолда шкала вертикал текисликда, ёки 30⁰ олдинга қия ҳолатда бўлиши, текшириш чегараси шкаланинг учдан икки қисмида бўлиши лозим. Манометр циферблатида идишдаги максимал рухсат этилган босимга тегишли жойга қизил чизиқ киритилиши ёки корпусда қизил мил ўрнатилиши лозим.
     

Манометрларни хизмат кўрсатиш жойидан 3 m дан юқорига ўрнатиш мумкин эмас.

202. 
     НЎА ва А, ҳамда муҳосаралаш ва сигнал бериш мосламаларни тафтиш қилиш, назорат-ўлчов асбоблари ва автоматика воситаларини режали-огоҳлантирувчи таъмирлаш тўғрисидаги низомга асосан тузилган жадвал бўйича олиб борилиши ва махсус журналларда қайд этилиши лозим.
     
203. 
     НЎА ва А ҳаво йўлларини техник ҳаво йўллари билан бирлаштириш, ҳамда ҳаводан бошқа мақсадларда фойдаланиш учун НЎА ва А ҳаво ўтказгичларига кесиб уланиш тақиқланади.
     
204. 
     НЎА ва А цехларида симобли асбоблар бўлганда, уларни таъмирлаш учун алоҳида ажратилган хоналарни назарда тутиш лозим.
     
205. 
     Радиоактив изотопли асбобларни ишлатганда, радиоактив моддалар ва бошқа ионланувчи нурлар манбалари билан ишлаш санитария қоидаларига риоя қилиш керак.