Oksidlar. 3-tajriba. Sulfit angidridning olinishi eslatma

1-tajriba. Karbonat kislota tuzlarining hosil bo`lishi. Probirkaga ohakli suv Ca(OH)2 ning tiniq eritmasidan 1 ml quyib, Kipp apparatidan karbonat angidrid yuboring. Nima kuzatiladi? Hosil bo`lgan oq loyqa ustiga yana CO2 gazi yuborishni davom ettiring. Hosil bo`lgan tiniq eritmani ikkita probirkaga bo`ling. Probirkalardan birini qizdiring. Ikkinchisiga esa 1 n NaOH eritmasidan qo`shing. Nima kuzatiladi? Sodir bo`lgan barcha kimyoviy jarayonlarning kimyoviy reaksiya tenglamalarini yozing.

1-tajriba. Karbonatlarning qizdirganda parchalanishi. Tigel qisqichda marmarning, yaxshisi yupqa va o’tkir qirrali bo’lagidan olib, uni 4-5 minut davomida alangaga tutib turiladi. Qattiq qizdirilgan marmar bo’lagi chinni kosachaga solinadi va ustiga 2-3 ml suv quyiladi. So’ngra fenolftalein eritmasi bilan sinab ko’riladi; marmarni qizdirish natijasida olingan kalsiy oksidning gidratlanishidan ishqor hosil bo’lgani uchun suyuqlik pushti rangga o’tadi. Ishqoriy metallarning normal karbonatlari bundan mustasnodir, chunki ular qattiq qizdirilganda ham parchalanmaydi.

1-tajriba. Natriy silikatning gidrolizi. Probirkaga 4-5 tomchi natriy silikat eritmasidan quying va unga 1 tomchi fenloftalein tomizing. Rangning o`zgarishi eritmada qanday muhit sodir bo`lganligini ko`rsatadi. Natriy silikat gidrolizining molekulyar va ionli tenglamalarini yozing.

1-tajriba. Qalay tiotuzining olinishi. Qalay (IV)-xlorid tuzi eritmasidan probirkaga 1 ml olib, ustiga natriy yoki ammoniy sulfid eritmasidan cho`kma hosil bo`lguncha tomchilatib quying. Hosil bo`lgan cho`kmani filtrlab olib, ustiga mo`lroq natriy yoki ammoniy sulfid eritmasidan qo`shing. Nima kuzatiladi? Reaksiya tenglamasini yozing.