Олабўжи романдан катта хикоя

– Ҳа. Дам олинглар, – деди Зокир Ўринов ҳам. 
– Қани, мен шуларнинг овқатидан бир татиб кўрай. – Бўтабой 
Сўпи болалар томонга кетди. Ва Зиёдилланинг эгнига қоқиб, 

---

449 
дастурхонга энгашди. 
Қўлдош Мўмин ҳам ниҳоят сўз навбати ўзига келгандек: 
– Бетоблар йўқми, ўртоқ Ўринов? – деб сўради. 
– Бетоб нима қилади бу ерда... – тўнғиллади мактаб директори. 
Сўнг улардан сўради: – Шикоят борми дўхтирга? Зиёд, бир нима 
дейсанми? 
– Завуч бобони қирғий талади-ку!.. – деди у дабдурустдан. Ва 
тенгқурлари кулиб юборди. 
– Тинчликми? – Тўқлибой Қўчқоров сергакланди. 
100 
Ултон гап чувалашмасин учун: 
– Ҳе, бир қуш тегиб ўтди, – деди-да, бошкотибга ёндошиб сўради: – 
Мумкинми бир гапни... 
Қўчқоров қизиқиш билан... сурилиб, Ултоннинг тирсагидан олди 
ва қирга йўл бошлади. Беш-олти қадам юргач, бахмалдек чайир 
(лишайник) қоплаб ётган харсангтош қошида тўхтади. 
– Хўш? – дея бирдан унга бургут қараш қилди. – Кеча нимага Иван 
Ивановичнинг уйига бормадинглар? 
– Чалларда эдик, – деди Ултон. 
– А-а-а! – Бошкотиб негадир енгил нафас олди. – Мен ҳам 
айтгандим, бир сабаби бўлса керак деб... Между прочим, у кек 
сақлайдиган одам! Бунинг устига, бизга шубҳа билан қарайди. Аблах,... 
– Кечирасиз, район КГБсиям унга қарайдими? 
Қўчқоров истеҳзоли кулимсиради. 
– Ҳа. Унга топшириб қўйганман. – Кейин пешонаси тиришиб, ерга 
тупурди. – Барибир у ҳамма нарсадан хабардор... Орамизда сотувчилар 
кўп, ука. – Сўнг орқага қараб қўйди. – Тўлагановнинг олдида ҳар хил 
гапни гапирма. 
Ултон жилмайди. 
– Мен сезган эдим... Хуллас, саволим қалиги “махфий хат” ҳақида. 

---

450