Олий ўқув юртларида ўқув жараёнини кредит-модуль тизимида ташкил қилиш

Умумкасбий фанлар (GPRD)

TENT - Technology Entrepreneurship (Технологик тадбиркорлик) – 6 кредит

Стартапни ривожлантириш учун технологик билимлар ва тадбиркорлик кўникмаларини ўзаро боғлаган ҳолда тадбиркорликнинг таянч кўникмаларини ўргатади. Дастур қуйидаги мавзуларни қамраб олган: тадбиркорлик, ижодкорлик ва технологияларга кириш (технологик тадбиркорлик асослари, технологик бизнесда тадбиркорликдаги етакчилик, шахсий тадбиркорлик модели); бизнес технологиясида ижодкорлик ва имповизация манбалари (бизнес технологияларидаги креативлик, тадбиркорлар жамоасини яратиш, гуруҳда ишлаш); бизнес-дизайн технологияси (илк бизнесни ривожлантириш методологияси, бизнес-модел ишлаб чиқиш, бизнес-моделни текшириш, бизнесни технологик молиялаштириш, технологик тадбиркорликда интеллектуал мулк аспектлари, инвесторларга бизнес-моделни жўнатиш).
Ихтисослик фанлари (SPEC)

POLY – Polymer Technology (Полимерлар технологияси) – 6 кредит

Пререквизитлар: INCH1,2; ORCH3
Мономерлар ва уларнинг оралиқ маҳсулотларини ишлаб чиқариш технологик жараёнлари, турли синфдаги полимерларни олишнинг технологик жараёнларини татбиқ этиш, полимер ишлаб чиқариш ва уларни қўллаш соҳалари, полимерларни қайта ишлаш технологиялари ҳақида таянч билимлар беради. Дастур қуйидагиларни қамраб олади: полимерлар фанининг асосий тушунчалари ва номенклатураси, молекула массасини аниқлаш методлари; занжирли, радикал ва ион полимерланиш; сополимерланиш, полимерланишнинг техник усуллари; поликонденсатланиш, полибоғланиш; макромолекула реакциялари; полимерларнинг физик ҳолатлари, шишаланиш ва парчаланиш температураси; полиэтилен ва полипропилен ишлаб чиқариш технологияси; полимер пленка ва қувурлар ишлаб чиқариш технологияси; стиролнинг полимерлари ва сополимерлари; галоген сақловчи тўйинмаган углеводородлар асосидаги полимерлар; поливинилацетат, поливинил спирти, полиацеталлар, полиамидлар; акрилатлар, бўёқ, елим ва тола ишлаб чиқаришнинг техник усуллари; табиий ва синтетик каучуклар; резина-техника буюмлари технологияси.

4-шакл