Oliy va o‘rta maxsus ta’limda ona tili sintaksisi va punktuatsiya bo‘limini o‘rganishning mazmuni

5-MAVZU: OLIY VA O‘RTA MAXSUS TA’LIMDA ONA TILI SINTAKSIS VA PUNKTUATSIYA BO‘LIMINI O‘RGANISH. OLIY VA O’RTA MAXSUS TA’LIMDA ONA TILI USLUBIYATI BO’LIMINI O’QITISH METODIKASI. (4 soat)
REJA:

• Oliy va o‘rta maxsus ta’limda ona tili sintaksisi va punktuatsiya bo‘limini o‘rganishning mazmuni.
• Savod o‘rgatish davrida va 1-2-sinflarda sintaksis va punktuatsiya elementlarini o‘rganish usullari.
• 3-4-sinfda sintaksis va punktuatsiya elementlarini o‘rganish usullari.
• Bog‘lanishli nutqni o‘stirishda sintaktik usullardan foydalanish metodlari.
• So‘z birikmasi va gap ustida ishlash usullari.
• Til uslublari haqida malumot.
• Til uslublarining turlari va uslubni yaratuvchi vositalar.
• Boshlang’ich sinflarda til uslublari haqida amaliy ma’lumot berish.
• Yuqori sinflarda til uslublarini o’rganish metodikasi.

Dunyoda uch mingdan oshiq til bo‘lib, ularning har biri o‘ziga hos taraqqiyot bosqichiga ega. Muayyan tilning imkoniyatlari sintaksis asosida yuzaga keladi. Tilning taraqqiyat darajasini uning sintaksisi belgilaydi. Chunki fikrni ifodalashning asosiy vositasi sintaksis hisoblanadi. Harqanday fikr sintaksis qoidalari asosida bayon etiladi. O‘zbek tilining dunyodagi tillar orasida o‘z o‘rni bor. Bu tilda hamma uslublarda, hamma janrlarda asarlar yozish mumkin. Inson o‘z fikrini gaplar orqali ifodalaydi. Shu tufayli barcha o‘quv yurtlarida sintaksis o‘rganiladi. Sintaksis boshlang‘ich sinflarda elementar asosda o‘rganiladi. Yuqori sinflarda, o‘rta maxsus ta’lim va oliy o‘quv yurtlarida atroflicha o‘rganiladi. Oliy ta’limdan keyingi bosqichlarda ham sintaksisni o‘rganish davom etadi. Oliy o‘quv yurtining filologiya yo‘nalishidagi talabalariga tilshunoslikning ushbu bo‘limi keng o‘rganiladi. Til o‘z kommunikativ vazifasini sintaktiv qurilma–gap vositasida amalga oshiradi. Asoslanganligi tufayli so‘zlarning bog‘lanish haqidagi bilimlar boshlang‘ich sinflarda elementar tarzda o‘rganiladi. Bunda o‘quvchilar uchun zarur bo‘lgan qoidalar til o‘rganuvchilarining xususiyatlarini hisobga olgan holda amalga oshiriladi.