Onglilik va ongsizlik

3-ma’ruza:

ONGLILIK VA ONGSIZLIK
Reja:

1. Ongning psixologik xossalari

2. Ongsizlik haqida tushuncha

3. Anglanmagan psixik jarayonlar

4. Ongli harakatlarning anglanmagan qoʻzgʻatuvchilari

5. Оng usti jarayonlari

TAYANCH TUSHUNCHALAR:

Ong- ong inson tomonidan voqelikni aks ettirishning yuksak darajasi

Ongsizlik - bu shunday psixik jarayonlar va hodisalar yig‘indisiki, unda inson o‘z xatti-harakatlariga javob bermaydi, anglamaydi.

Ongning psixologik xossalari

Ong inson tomonidan voqelikni aks ettirishning yuksak darajasi boʻlib hisoblanadi.

Inson ongining birlamchi psixologik xossasi oʻzini bilish subyekti sifatida his etish, mavjud va tasavvurdagi voqelikni xayolan tasvirlash layoqati, shaxsiy psixik va hulq-atvor holatlarini nazorat qilish, ularni boshqara olish, atrofdagi reallikni tasavvurlar shaklida koʻrish va idrok qilish layoqati kabilarni oʻz ichiga oladi. Oʻzini bilish subyekti sifatida his etish insonning olamni oʻrganish va bilishga, ya’ni, olam haqida u yoki bu darajada aniq bilimlarni egallashga tayyor va layoqatli, bu olamdan boʻlak qilingan mavjudot sifatida anglashini bildiradi. Ongsizlik (uyqu, gipnoz, kasallik va sh.oʻ.) holatlarida bunday layoqat yoʻqoladi.