Операцион тизими учун мобил иловаларни ишлаб чиқишга кириш Бу мавзунинг мақсади

Тарихга назар

2003 йида АҚШнинг Калифорния штатидаги Пало Альто шаҳрида Энди Рубин ўзининг ҳамфикрлари (Рич Майнер, Ник Сирс ва Крис Уайт) билан Android Inc. компаниясига асос солишди. Дастлаб компанияда геолокацион маълумотларга асосида фойдаланувчиларнинг эҳтиёжларига автоматик созланадиган мобил гаджетларни лойиҳалаштириш билан шуғулланишди.
2005 августида Android Inc. Google компаниясининг қиз компанияси бўлиб қолди. Энди Рубин, Рич Майнер ва Крис Уайт Android Inc.да қолишди ва Linux ядросига асосланадиган операцион тизим устида ишлай бошлашди. Googleда минглаб турли телефонлар моделларида ишлатишга ярайдиган қувватли платформани амалга оширишни ўйлаб қолишди. Шунга кўра, мобил қурилмалар учун очиқ стандартларни ишлаб чиқишга ўз кучларини йўналтирган 80 дан ортиқ компаниялардан ташкил топган консорциум - Open Handset Alliance (OHA) ташкил этилди. OHA таркибига Google (ташкилотчи ва ғоявий илҳомлантирувчи), HTC, Sony, Dell, Intel, Motorola, Qualcomm, Texas Instruments, Samsung Electronics, LG Electronics, T-Mobile, Sprint Corporation, NVIDIA ва бошқа кўплаб улкан компаниялар киради.
Android биринчи версияси 2008 йилнинг 23 сенябрида тақдим этилган, версияга Apple Pie (тўғридан-тўғри рақобатчи билан ҳамоҳангликни пайқаш мумкин). Кейин шундай бўлдики, ҳар бир навбатдаги версиянинг номи қандайдир ширинлик (десерт) ҳисобланди, бунда версиялар тартибидаги номларнинг биринчи ҳарфлари тартиб бўйича лотин алифбоси ҳарфларига мос келади. Android янгиланишларининг ривожланиши билан 1.2-жадвалда танишиш мумкин.

2. Android платформаси қурилмалари

Android платформаси Linux ОТ ядроси асосида қурилган операцион тизим, оралиқ дастурий таъминот ва ўрнатилган мобил иловаларни бирлаштиради. Android платформасини ишлаб чиқиш ва ривожлантириш OHA (Open Handset Alliance) бошқаруви остидаги AOSP (Android Open Source Project) лойиҳаси доирасида бажарилади, бутун жараёнга Google қидирув гиганти раҳбарлик қилади.

1.2-жадвал
Android ОТ янгиланишлари тарихи