O'quv ishlari bo’yicha prorektor

Suverenitet har qanday davlatning eng muhim xususiyatidir. Suverenitet zamonaviy konstitusiyaviy va xalqaro huquqning asosiy jihatlaridan biri bо‘lib, о‘zaro bog‘liq bо‘lgan ikkita shaklga ega: bular -ommaviy (milliy) suverenitet va davlat suverenitetidir.
Xalq suvereniteti shuni anglatadiki, faqat xalq davlatchilik asosidir va xalq davlat hokimiyatining manbai bо‘lib xizmat qiladi. Milliy suverenitet tushunchasi va u haqdagi qarashlar XVIII asrda Yevropaning buyuk vakillari tomonidan shakllantirilgan. U asosiy tamoyil sifatida 1789 yildagi Inson va fuqarolarning Fransiya Deklaratsiyasida qonuniy ravishda tasdiqlangan. Ommaviy suverenitet prinsipi, ya’ni, millatning о‘z taqdirini о‘zi belgilash huquqi odatda xalqaro va konstitusiyaviy huquq tomonidan tan olingan bо‘ladi.
Davlat suvereniteti deganda davlat hokimiyati barcha ichki ishlarda va xalqaro munosabatlarda mujassamlanadigan xalqning irodasiga asoslanganligini anglatadi. Davlat suvereniteti, birinchidan, mamlakatda davlat hokimiyatining ustunligi; ikkinchidan, davlatning boshqa davlatlar bilan munosabatlari qanday bо‘lishini mustaqil belgilash va ularning ichki ishlariga aralashmaslikka asoslangan bо‘ladi. Ana shu tamoyillar asosida jahon hamjamiyatida О‘zbekiston demokratik huquqiy davlatni shakllantirish, davlat suverenitetini mustahkamlash, buning uchun mustahkam qonunchilik bazasini yaratish yо‘lidan qat’iy qadam tashlamoqda. Shu haqda gapirib, Islom Karimov shunday degan edi: “Faqat qonun ustuvorligiga erishish orqali biz adolatli jamiyat, farovon hayot barpo etish imkoniyatiga ega bо‘lamiz”.
Jamiyatni siyosiy isloh qilish jarayonidagi quyidagi bosqichlarni ajratib kо‘rsatish mumkin:
1-bosqich - 1991-1994 yillar - eski, yakka partiyaviylik, ma’muriy-buyruqbozlik tizimini va unga tegishli organlarni tugatish, yangi davlatchilikning siyosiy va huquqiy asoslarini yaratish, siyosiy va ma’muriy tuzilmalarni shakllantirish. Ushbu bosqichning aniq voqealari - bu О‘zbekiston Respublikasi Prezidenti saylovi, yangi Konstitusiyaning qabul qilinishi, yangi saylov tizimining joriy etilishi, 1994 yil 25-dekabrda bо‘lib о‘tgan О‘zbekiston Respublikasi Oliy Majlisiga saylovlardir.