O’quv materiallari

IV. Markazni boshqarish va unga rahbarlik qilish

14. Markaz о‘zi bevosita bо‘ysunuvida bо‘lgan madaniyat va sport ishlari bо‘yicha viloyat boshqarmasi, tuman (shahar) bо‘limi tomonidan boshqariladi.

15. Madaniyat va sport ishlari bо‘yicha tuman (shahar) bо‘limi Qoraqalpog‘iston Respublikasi Madaniyat va sport ishlari vazirligi, viloyatlar va Toshkent shahar madaniyat va sport ishlari boshqarmalari bilan kelishgan holda Markaz ustavini tasdiqlaydi, Markaz direktorini lavozimga tayinlaydi va lavozimdan ozod qiladi, Markaz faoliyatining qonun hujjatlariga, ushbu Nizom talablariga hamda ustavda qayd etilgan maqsadlar va vazifalarga muvofiqligini nazorat qiladi.

16. Markaz faoliyatiga bevosita rahbarlik qilish Direktor tomonidan amalga oshiriladi. Direktor bilan mehnat shartnomasini (kontraktni) madaniyat va sport ishlari bо‘yicha tuman (shahar) bо‘limi tuzadi.

17. Markaz direktori ustavga muvofiq va о‘z vakolatlari doirasida Markaz nomidan ishonchnomasiz ish kо‘radi, muassasaning barcha xodimlari uchun majburiy bо‘lgan kо‘rsatmalar beradi, Markaz faoliyati natijalari uchun javob beradi.

18. Markazda maslahat organlari: badiiy kengash, metodik kengash va shu kabilar tashkil etilishi mumkin.

19. I tipdagi Markazlar:

II va III tipdagi markazlarning muassasalariga tashkiliy-metodik rahbarlik qiluvchi metodik markaz, madaniyat va san’atning tayanch muassasasi hisoblanadilar;

о‘zining xizmat kо‘rsatish tegrasiga kiradigan tuman markazi va aholi punktlarida yashovchilar о‘rtasida turli ommaviy va madaniy-tarbiyaviy ishlarni tashkil etishda metodik va amaliy yordam kо‘rsatadi;

aholining, ayniqsa yoshlarning ehtiyojidan kelib chiqib tо‘garaklar, studiyalar, badiiy havaskorlik jamoalari faoliyatini hamda markazlar tomonidan kо‘rsatiladigan boshqa xizmatlarni tashkil etish yuzasidan II va III tipdagi markazlarni metodik qо‘llanmalar, shuningdek yangi repertuar tо‘plamlari bilan ta’minlaydilar;

О‘zbekiston Respublikasining milliy va kasb bayramlariga bag‘ishlangan tadbirlarni о‘tkazishda II va III tipdagi markazlar kengroq jalb etilishini ta’minlaydilar;

II va III tipdagi markazlar bilan birgalikda nomoddiy madaniy meros obektlarini saqlash va targ‘ib qilish bilan bog‘liq bо‘lgan har yilgi tadbirlar rejasini ishlab chiqadilar va amalga oshiradilar.