O’quv materiallari

III. Markazning huquqlari, majburiyatlari va javobgarligi

11. Markaz:

intellektual faoliyat natijalaridan va unga tenglashtirilgan individuallashtirish vositalaridan qonun hujjatlarida nazarda tutilgan tartibda va shartlarda foydalanish;

madaniyat va san’at sohasida davlat dasturlarini va boshqa maqsadli dasturlarni amalga oshirishda belgilangan tartibda qatnashish;

madaniy-ijodiy birlashmalar va uyushmalarga kirish, shuningdek qonun hujjatlariga muvofiq xalqaro faoliyatda ishtirok etish huquqiga ega.

12. Markaz:

ushbu Nizomda belgilangan о‘z vazifalarini qonunlar va О‘zbekiston Respublikasining boshqa normativ-huquqiy hujjatlari talablariga muvofiq zarur tarzda bajarishga;

mehnatga haq tо‘lashni tashkil etish, texnika xavfsizligi, xodimlarni ijtimoiy ta’minlash va aniq tarzda ijtimoiy muhofaza qilishning qonun hujjatlarida nazarda tutilgan shartlarini amalga oshirishga;

xodimlarning, о‘z tо‘garaklari, studiyalari qatnashchilarining, shuningdek mijozlarning huquqlariga rioya qilishni kafolatlashga;

О‘zbekiston Respublikasi Madaniyat va sport ishlari vazirligi tomonidan tasdiqlangan, Markaz faoliyati kо‘rsatkichlarini aniqlash va nazorat qilish uchun asos hisoblangan shakllarga muvofiq ish jurnalini yuritishga;

о‘ziga tezkor boshqarish huquqi bilan biriktirilgan mol-mulkning saqlanishini va undan qat’iy maqsadli foydalanishni ta’minlashga;

tezkor boshqarish huquqi bilan biriktirilgan mol-mulkning texnik holati yomonlashishiga yо‘l qо‘ymaslikka majbur (ushbu talab foydalanish jarayonida mazkur mol-mulkning normativ eskirishi bilan bog‘liq yomonlashishiga tatbiq etilmaydi).

13. Markaz о‘ziga yuklangan vazifalar va funksiyalarning samarali bajarilishi uchun javob beradi.