Мустақил иш – илгари сизларга тақдим этилган мавзулар бўйича. 20 варақдан кам бўлмаган хажмда;
ва унинг асосида 12-15 та сайт.
2. Қуйидаги саволларга қисқача тариф беринг (1 варақ ҳажмида). 1. Давлат сектори ташкилотлари учун халқаро молиявий ҳисобот стандартларининг роли ва мақсади. Давлат секторида бухгалтерия ҳисоби халқаро стандартлари –давлат секторидаги ташкилотларда (давлат иштирокидаги тижорат корхоналаридан ташқари) юқори сифатда жаҳон стандартлари асосида молиявий ҳисоботларни тузиш бўйича халқаро миқёсда умумқабул қилинган қоидалардир. Давлат секторида бухгалтерия ҳисоби халқаро стандартлари бутун жаҳонда молиявий ҳисобот стандартларининг яқинлашишида, келишувида ва янада яхшиланишида муҳим рол ўйнади.
2. Уларнинг пайдо бўлиш сабаблари ва шартлари. Давлат секторида бухгалтерия ҳисоби халқаро стандартлари Халқаро бухгалтерлар уюшмаси таркибидаги Давлат секторида бухгалтерия ҳисоби халқаро стандартлари Кенгаши томонидан ишлаб чиқилади. Мамлакатда давлат секторида бухгалтерия ҳисобини ҳисоблаш методи бўйича «Давлат сектори учун бухгалтерия ҳисоби халқаро стандартлари»га тўла мос келишига эришгунга қадар ўтиш босқичи сифатида давлат секторида бухгалтерия ҳисобини юритиш ва молиявий ҳисобот тузишнинг «Касса методи бўйича бухгалтерия ҳисобида молиявий ҳисобот» ДСБҲХСга мос келишига эришиш зарур бўлади.
Бунинг учун «Давлат молиясини бошқаришнинг ахборот тизими» тўла амал қилгунга қадар давлат бошқарув секторига кирувчи давлат функцияси билан шуғулланувчи, давлат томонидан назорат қилинадиган ва давлат буджетидан молиялаштириладиган ташкилотлар (буджет ташкилотлари) тегишли ҳисоботларни касса методи бўйича «Давлат сектори учун бухгалтерия ҳисоби халқаро стандарти» билан маълум даражада мослаштирилган ва «Давлат молияси статистикаси бўйича қўлланма 2001» бўиича таснифланган ахборотларни тақдим этишга ўта бошлаши керак бўлади. «Давлат молиясини бошқаришнинг ахборот тизими» (ДМБAТ) тўла амал қила бошлагандан сўнг давлат буджети ижросида қатнашувчи барча институционал бирликларнинг молиявий ҳисоботларини касса методи бўйича «Давлат сектори учун бухгалтерия хисоби халқаро стандарти»га мувофиқлаштириш таъминланган бўлиши керак.
Давлат сектори ташкилотлари учун молиявий ҳисоботнинг халқаро стандартларини ишлаб чиқиш ва қабул қилиш тартиби.
Давлат секторида бухгалтерия ҳисоби халқаро стандартлари (ДСБҲХС) ни ишлаб чиқиш Давлат секторида молиявий ҳисобот халқаро стандартлари Кенгаши таомонидан амалга оширилади. Давлат секторида молиявий ҳисобот халқаро стандартлари Кенгаши аъзолари Халқаро бухгалтерлар уюшмаси томонидан тайинланади. Жами 18 аъзо бўлиб 15 таси Халқаро бухгалтерлар уюшмаси томонидан, 3 таси жамоатчиликдан тавсия этилади. Кенгашнинг жамоатчилик аъзолари хар қандай шахсдан ёки ташкилотдан тавсия этилиши мумкин. Бундан ташқари Давлат секторида молиявий ҳисобот халқаро стандартлари Кенгашига чекланган миқдорда давлат секторида молиявий ҳисоботга манфатдор органлардан кузатувчилар тайинланади ва улар йиғилишда фикр билдириш хуқуқига эга лекин овоз бериш хуқуқига эга эмас.
Халқаро бухгалтерлар федерациясининг миссияси.
Халқаро бухгалтерлар федерациясининг миссияси, унинг низомига кўра, қуйидагилардан иборат: “...жамият манфаатларини кўзлаб иш юритган ҳолда, бутун дунёда бухгалтерлик касбининг мавқеини мустаҳкамлашда давом этади ва бухгалтерлик касбининг ривожланишига ҳисса қўшади. Юқори сифатли профессионал стандартларга содиқликни шакллантириш ва рағбатлантириш, уларни халқаро миқёсда янада уйғунлаштириш, шунингдек, профессионал иштирокни талаб қиладиган ижтимоий аҳамиятга эга масалалар бўйича чиқишлар орқали барқарор халқаро иқтисодиётни таъминлайди.
Давлат сектори молиявий ҳисоботининг халқаро стандартлари бўйича кенгаш, унинг вазифалари ва фаолиятининг асосий йўналишлари.
Халқаро бухгалтерлар федерациясининг асосий йўналишлари
1.Жамият манфаатларига хизмат қилиш.
Aудит, таълим, ахлоқ ва давлат сектори молиявий ҳисоботларида стандартларни такомиллаштириш, молиявий ҳисоботнинг шаффофлиги ва уйғунлашувига кўмаклашиш, бизнесдаги профессионал бухгалтерлар учун илғор тажриба йўл-йўриқларини тақдим этиш, Ташкилотнинг Мувофиқлик дастури - Халқаро бухгалтерлар федерацияси талабларига риоя этилишини таъминлаш орқали жамоатчилик манфаатларини кўзлаб ҳаракат қилишга интилади.
2. Халқаро бухгалтерлар федерацияси аъзолари бўлган ташкилотлар ва миллий бухгалтерия ташкилотлари ўртасидаги муносабатлар ва ҳамкорликни ривожлантириш. Халқаро бухгалтерлар федерацияси бутун дунё бўйлаб бухгалтерлар ҳалоллик ва малакалилик тамойилларини қўллаб-қувватлашларини таъминлаш ва сифатли хизматлар кўрсатиш борасидаги саъй-ҳаракатларини қўллаб-қувватлаш учун ўзининг тўлиқ ва ассоциацияланган аъзолари ҳамда миллий бухгалтерия ва аудиторлик ташкилотлари билан ишлайди. Халқаро тартибга солувчи ҳамжамият билан мавжуд муносабатларни мустаҳкамлаш ва янгиларини ривожлантириш Халқаро бухгалтерлар федерацияси учун такомиллаштирилган стандартлар нуқтаи назаридан муҳим аҳамиятга эга.
3. Халқаро даражага чиқиш.
Халқаро бухгалтерлар федерацияси глобал бухгалтерлик касбининг асосий вакили ҳисобланади ва жамоатчиликни қизиқтирган кенг кўламли масалалар бўйича гапиради. Ушбу мақсадга бухгалтерларнинг халқаро ташкилоти фаолиятига таянадиган ёки ундан манфаатдор бўлган профессионал органларнинг фикрларини ифодалаш, шунингдек, бухгалтерлар амалиётининг энг қимматли тажрибасини тўплаш ва тарқатиш орқали эришилади.
