Otolmagan yoy tanlar. Otolmagan ovchi yoyidan ko`rar

Otolmagan yoy tanlar. Otolmagan ovchi yoyidan ko`rar.

Momaqaldirog`u yomg`irlar hokimi va yazdonlar sultoni Indraga yetti rangli kamalak kamon o`rnida o`tar edi.

15-bet

O`q-yoy tasviri

Qachonlardir Daksha , Shivaning qaynotasi, samoda juda ko`p qurbonliklar qilmish edi. Marosimga kuyovdan boshqa hammani chqirishgan edi. Achchig`langan Shiva qo`lida mahobatli kamalak, bazmga kirib keldi-yu, hammangni o`ldiraman, deb do`q-po`pisa qildi. Xayriyatki, uni sal achchig`idan tushurdilar va u o`zining sehrli kamalagini Jonakning ajdodi podsho Devrotga asrash uchun topshirishga rozi bo`ldi. Endi esa o`sha kamalak yoy Jonak qo`liga o`tgan.

Jonak tirnoqqa zor edi, kuni bola tilab, xudolarga yolvorish bilan o`tardi. U qurbonlikka mos mehrob tiklash maqsadida omoch bilan yer haydar edi, nogahon egat ichidan bir mohpaykar, hurliqo qiz chiqib keldi. Jonak uni o`ziga qiz qilib oldi va unga Sita, ya’ni “egat” deb nom berdi. Sita balog`at yoshiga yetganda, Jonak butun dunyoga jar soldirdi: “Kimki Shivaning sehrli kamalagiga tor bog`lay olsa, Sitani o`shanga beraman!” Biroq hali hanuz birov tor bog`lash u yoqda tursin, kamalakning o`zini yerdan qo`zg`ata olgani yo`q. Endi Jonak podsho:

“Sen ham kuchingni bir sinab ko`rmaysanmi?” – dedi vallamat Ramaga.

Shiva kamalagi ta’rifinda

“Devrotga Rudra in’om etgan yoyni bu asno,

Ramaga ham ko’rgiz! – der Vishmavitra avliyo.

Xushbo`y sandal anqigan, gulag chulg`angan kamon –

Kamalakni keltir, deb podsho ayladi farmon.

Mithila shahanshohi farmoniga ‘labbay’ der,

Arobaga kift qo`yar besh yuz nafar jasur er.

Bahaybat arobadan ulkan sandiq olmish joy,

Sandiq ichra bir zamon – Shiva tutgan sirli yoy.

Jonak dedi;

“Bu kamalak ko`hnadir, avlodimiz ko`rki ul,

Gerdayib ne rojalar aylabon turli usul,

Tor bog`lamoqqa bekor unnab kelishar nuqul.

Yazdonlar, devlar kuchi yetmaganda, o`ylangchi,

Uhdasidan odamzod qanday chiqsin so`ylang-chi?

Dast ko`tarib kamonni qo`zg`atolmagan choqda,

O`q otmoq, tor bog`lamoq, ko`krak kermoq qayoqda?”

“O, Rama! – der qayrilib Vishmavitra, - bolajon!

Sen ilohiy kamonni ko`rmog`ing shart shu zamon!”

Ochib xoliq kamoni solingan sandiqni bot,

Shikastanafs shahzoda ayon etdi iltifot:

“Men Rudra kamalagin ko`tarmoqqa-ku shayman,

Shart esa ,ikki uchin bir-biriga ulayman!”

Donishmand, shoh ikkovlon dedilarki: “Kamol top!”

Rama-chi, yeng shimarib yopishar yoyga shitob.

Dast ko`tarar bosh uzra o`yinchoqdek bamisol,

So`ng tor bog`lab murvadan tarang tortadi darhol!

Nogoh tutar atrofni zo`r sadoi qaldiroq:

Qarsillab sinmish edi Rama ilgida yaroq!

Mahodeva yarog`in Rama yaroqsiz qilmish,

O`ng-u so`lga qochib el, o`takasi yorilmish.

Jonaku Vishvamitra, Raghu avlodi yolg`iz,

Singan yoyga boqdilar jilla qo`rquv etmay his.

“Mahodeva yoyini bukkanga sharaf so`zim:

O`shaniki onadan tug`ilmagan gul qizim!

Xo`p jasorat ko`rsatmish el umri tolega yor! –

Titrabon avliyoga deyar edi hukmdor, -

Sita qizim yor bo`lsa buyuk Ramaga agar,

Shonga burkar naslimni toki turguncha bashar!”

Jonak Ramani Sitaning qaylig`i deb e’lon qildi. 17-bet

Ravananing o`limi ta’rifida ( ilohiy o`q tasvirini 14 misrada keltiradi)

Ba’daz Motali dedi: “Dev bilan qilganda jang,

Unutding harbiy fanni, Baquvvatqo`l, e attang!

Barohimning yarog`i yengolur uni faqat,

Uch olamda yo`q bu o`q, yo`q bunday shahd-u shiddat!

Xudolarning so`zi bu, - dedi karvon Motali, -

Ravana kuni bitgan, ha-ha, yetgan ajali!”

Buyukshukuh bahodir sodoqqa qo`lni solur,

Vishillagan ilonday yog`duvash o`qni olur.

Indra uch olamni olsin debon Barohim

Yaratmishdir bu keskir olov nusxa yarog`in.

Patlarin orasiga tangri to`ldirmish shamol,

Topshirgandir Ramaga uni Agastya xushhol.

O`q kenglikdan yaralmish, vahshatlidir, serbar, keng,

Qo`ysa naq Meru ila Mondaraga kelar teng.

Boqsa, ko`z chiday olmas taratgan yog`dusiga,

Bor modda, ibtidolar kuchin olmish o`ziga.

Qoplamish dud, bamisli lam’ai oxir zamon,

Jonzodlarni titratar barq urib shu’la afshon.

Misli Indra o`qimi va yo naq zarang olmos,

Barohimning beayov o`qi shundoq beqiyos,

Asriy qoyalar hatto to`sa olmas uni, rost.

Yog`dayin kesib o`tar jez nayzalar kelsa duch,

Qasr darvozalarin o`pirib tashlar purkuch.

O`q Ravananing yuragini teshib, yerga botdi-yu, So`ngra sodoqqa qaytdi. 153-bet