O’ZBEKISTON RESPUBLIKASI AXBOROT TEXNOLOGIYALARI VA KOMMUNIKATSIYALARINI RIVOJLANTIRISH VAZIRLIGI
MUHAMMAD AL-XORAZMIY NOMIDAGI
TOSHKENT AXBOROT TEXNOLOGIYALARI UNIVERSITETI
FARG’ONA FILIALI
BUYRUG‘I
Bakalavriat ta’lim yo‘nalishi sirtqi ta’lim shakli 3-kurs talabalariga fanlardan yakuniy nazoratlarni o‘tkazish to‘g‘risida
TATU rektorining 2018 yil 26 noyabrdagi 1683-sonli buyrug‘i 1-ilovasi “Muhammad al-Xorazmiy nomidagi Toshkent axborot texnologiyalari universiteti va uning mintaqaviy filiallarida kredit tizimi sharoitlarida talabalar bilimini nazorat qilish tartibi va baholash mezonlari to‘g‘risidagi Yo‘riqnoma”ga hamda filialning 2020/2021 o‘quv yili o‘quv jarayoni grafigiga asosan bakalavriat ta’lim yo‘nalishlari sirtqi ta’lim shaklida 2-kurs talabalarining baxorgi semestri yakunlanganligini hisobga olgan holda yakuniy nazoratlarni o‘tkazish maqsadida, buyuraman:
1. Direktor o‘rinbosarlari, fakultet dekanlari, kafedra mudirlari va bo‘lim boshliqlariga:
- Fanlardan yakuniy nazoratlar onlayn ravishda http://moodle.fbtuit.uz/ platformasida o‘tkazilsin.
2. O‘quv-uslubiy bo‘lim boshlig‘i (Sh.Umarov), Ta’lim sifatini nazorat qilish bo‘limi boshlig‘i (M.Teshaboev), fakultet dekanlari (O. Otaqulov, F. Muxtorov), 2-kurslarda fanlari mavjud kafedra mudirlari (R. Zulunov, O. Raimjonova, S. Sobirov)lar zimmasiga onlayn yakuniy nazoratlar 2021 yil 25-28-may kunlari 1-ilovaga muvofiq o‘tkazish vazifasi yuklatilsin.
3. Ta’lim sifatini nazorat qilish bo‘limi boshlig‘i (M.Teshaboev), fakultet dekanlari (O. Otaqulov va F. Muxtorov), barcha kafedra mudirlari zimmasiga fanlardan yakuniy nazorat uchun test savollari bazasini 2021 yil 20 may kuniga qadar shakllantirish vazifasi yuklatilsin hamda test savollarining sifati va mazmuniga fan o‘qituvchilari bilan birgalikda kafedra mudirlari shaxsan javobgar ekanliklari belgilab qo‘yilsin.
4. Axborot texnologiyalari bo‘limi boshlig‘i (A.Polvonov), fakultet dekanlari (O. Otaqulov, F. Muxtorov)ga http://moodle.fbtuit.uz/ platformasida fanlardan yakuniy nazorat test sinovlarini tashkil etish vazifasi yuklatilsin.
5. Axborot texnologiyalari bo‘limi boshlig‘i (A.Polvonov) zimmasiga onlayn yakuniy nazoratlar o‘tkazish davrida filial serveri va http://moodle.fbtuit.uz/ platformasi ish faoliyatini talab darajasida ta’minlash vazifasi yuklatilsin.
6. Fakultet dekanlari (O. Otaqulov va F. Muxtorov)lar zimmasiga fanlardan qaydnomalarni o‘z vaqtida to‘ldirilishini, guruh jurnallari va reyting daftarchalarida talabalarning o‘zlashtirishlarini qayd etilishlarini nazorat qilish hamda bu bo‘yicha hisobot taqdim etish vazifalari yuklatilsin.
7. Yakuniy nazoratlarni shaffof va ob’ektiv o‘tkazilishini nazorat qilish vazifasi Monitoring va ichki nazorat bo‘limi boshlig‘i (D.Onarqulova) zimmasiga yuklatilsin.
8. Appelatsiya komissiyasi quyidagi tartibda tasdiqlansin:
- Ta’lim sifatini nazorat qilish bo‘limi boshlig‘i M.Teshaboev – komissiya raisi;
- Axborot texnologiyalari kafedrasi dotsenti O. Raimjonova – a’zo;
- Tabiiy fanlar kafedrasi mudiri, dotsent B. Abdullayev – a’zo.
9. Ushbu buyruqni mutasaddi shaxslarga o‘z vaqtida yetkazib berish vazifasi Devonxona mudirasi (M.Xamdamova) zimmasiga yuklatilsin.
10. Ushbu buyruq ijrosi nazorati O‘quv va tarbiyaviy ishlar bo‘yicha direktor o‘rinbosari (I.Tojiboev) zimmasiga yuklatilsin.
Do'stlaringiz bilan baham: |