O‘zbekiston Respublikasi ma'muriy javobgarlik to‘g‘risidagi kodeksining 227-moddasi. Bojxona nazorati zonasi rejimining buzilishi

Sub'ektiv tomoni Qasddan sodir etiladi. Masalan: O‘zbekiston Respublikasi bojxona chegarasi orqali tovarlarni tijorat maqsadlari uchun mo‘ljallanmagan tovarlar niqobi ostida o‘zga shaxslar yordamida qasddan tovarlarni sotib foyda ko‘rish yoki qayta ishlash maqsadida olib kirishga bo‘lgan harakat.
227²¹-modda. Tovarlar va transport vositalarini belgilangan tartibni buzgan holda O‘zbekiston Respublikasining bojxona chegarasi orqali olib o‘tish
Tovarlar va transport vositalarini O‘zbekiston Respublikasining bojxona chegarasi orqali bojxona nazoratini chetlab, ya'ni bojxona organlari tomonidan belgilangan joylarni chetlab yoki bojxona rasmiylashtiruvining belgilangan vaqtidan tashqari paytda olib o‘tish, —
tovarlar va transport vositalarini musodara qilib, fuqarolarga eng kam ish haqining besh baravaridan o‘n baravarigacha, mansabdor shaxslarga esa — yetti baravaridan o‘n besh baravarigacha miqdorda jarima solishga sabab bo‘ladi.
O‘zbekiston Respublikasining bojxona chegarasi orqali olib o‘tilayotgan tovarlarni bojxona nazoratidan yashirish, ya'ni xufyadonlardan yoki tovarlarni topishni qiyinlashtiradigan boshqa usullardan foydalanish yoxud bir tovarni boshqa tovarga o‘xshash qilib qo‘yish, —
tovarlarni musodara qilib, fuqarolarga eng kam ish haqining besh baravaridan o‘n baravarigacha, mansabdor shaxslarga esa — yetti baravaridan o‘n besh baravarigacha miqdorda jarima solishga sabab bo‘ladi.
Hujjatlardan yoki bojxona identifikatsiyalash vositalaridan aldov yo‘li bilan foydalangan holda O‘zbekiston Respublikasining bojxona chegarasi orqali tovarlarni olib o‘tish, bundan ma'muriy javobgarlik to‘g‘risidagi kodeksning 227²²-moddasida va 227²⁵-moddasining birinchi qismida nazarda tutilgan hollar mustasno, —
tovarlarni musodara qilib, fuqarolarga eng kam ish haqining besh baravaridan o‘n baravarigacha, mansabdor shaxslarga esa — yetti baravaridan o‘n besh baravarigacha miqdorda jarima solishga sabab bo‘ladi.