O‘zbekiston Respublikasi ma'muriy javobgarlik to‘g‘risidagi kodeksining 227-moddasi. Bojxona nazorati zonasi rejimining buzilishi

iqtisodiy siyosat choralari — tovarlarni va (yoki) transport vositalarini bojxona hududiga olib kirishga va ushbu hududdan olib chiqishga doir cheklovlar bo‘lib, ular kvota belgilashni, litsenziyalashni, shuningdek mamlakat iqtisodiyotining jahon xo‘jaligi bilan o‘zaro hamkorligini tartibga solishning boshqa chora-tadbirlarini o‘z ichiga oladi; (BK 15-m.)


Ob'ektiv tomoni Mazkur huquqbuzarlik harakat natijasida sodir etiladi. Jumladan:
1. Iqtisodiy siyosat choralari va boshqa cheklovlar qo‘llaniladigan tovarlarni belgilangan tartibini buzgan holda O‘zbekiston Respublikasining bojxona chegarasi orqali olib kirish; (Masalan :Alkogol va Tamaki mahsulotlarini 2l va 10 pachkadan ortiq miqdorda jismoniy shaxs tomonidan o‘z ehtiyoji uchun olib kirish)
2. Iqtisodiy siyosat choralari va boshqa cheklovlar qo‘llaniladigan tovarlarni belgilangan tartibini buzgan holda O‘zbekiston Respublikasining bojxona chegarasi orqali olib chiqish; (Masalan: Jismoniy shaxs tomonidan O‘zbekiston Respublikasi Prezidenti 3512, 863, 828-soni qarorlarida ko‘rsatilgan me'yorlardan oshiqchasini O‘zbekiston Respublikasi orqali olib kirish.)
3. Iqtisodiy siyosat choralari va boshqa cheklovlar qo‘llaniladigan tovarlarni belgilangan tartibini buzgan holda O‘zbekiston Respublikasining bojxona chegarasi orqali olib tranzit o‘tkazish; (Masalan: Etil spirtini avtomobil transportida O‘zbekiston Respublikasining bojxona chegarasi orqali tranzit o‘tkazish).
Olib kirilishi va olib chiqilishi taqiqlangan tovarlar va (yoki) transport vositalari, agar O‘zbekiston Respublikasining qonun hujjatlarida yoki xalqaro shartnomalarida boshqacha tartib nazarda tutilmagan bo‘lsa, ular olib kirilganda — darhol bojxona hududidan tashqariga olib chiqilishi yoxud ular olib chiqilganda — darhol bojxona hududiga qaytarilishi shart.(BK 24-m) Olib kirilishi va olib chiqilishi taqiqlangan tovarlar va (yoki) transport vositalarini bojxona hududidan tashqariga olib chiqarilmasa yoki bojxona hududiga qaytarib olib kirilmasa – bu harakatsizlikdir.