O’zbekiston Respublikasi moliya tizimi

MUNDARIJA

Kirish

O’zbekiston Respublikasi moliya tizimi

Buxoro viloyati moliya bosh boshqarmasi faoliyati, vazifa va funksiyalari

Buxoro viloyati moliya bosh boshqarmasi byudjet ijrosi hisobi va hisoboti, byudjet tashkilotlari hisobotini monitoring qilish bo’limi faoliyati tahlili

Xulosa va takliflar

Foydalanilgan adabiyotlar ro’yxati

Ilovalar

Kirish

O’zbekiston taraqqiyotini mazmunan tamomila yangi bosqichda – Harakatlar Strategiyasida belgilab berilgan ustuvor yo’nalishlar asosida izchil amalga oshirishga kirishildi.

2017-2021 yillarda O’zbekiston Respublikasini rivojlantirish bo’yicha Harakatlar strategiyasining to’rtinchi ustuvor yo’nalishi ijtimoiy sohani rivojlantirishning ustuvor yo’nalishlari deb nomlanib, ushbu yo’nalishning 4-bandida ta’lim va fan sohasini rivojlantirishga qaratilgan bo’lib, unda ta’lim tizimini yanada rivojlantirish masalalari belgilab berilgan.

Oliy ta’lim sifatini rivojlantirish bevosita talabalarning malakaviy amaliyotini har tomonlama to’g’ri va samarali tashkil etishga bog’liqdir.

Malakaviy amaliyotining maqsadi va vazifalari:

Bugungi kunda asosiy maqsadga aylangan ta’lim sifatini yaxshilash va yetuk, har tomonlama kuchli o’ziga ishongan, malakali kadrlar tayyorlshga mamlakatimizda alohida e’tibor berilmoqda. Shunday ekan, ta’lim standartlari talablariga muvofiq mustaqil ishlashga tayyorlash, o’zlashtirilgan nazariy bilimlarni amaliyotga qo’llash maqsadida ushbu ishlab chiqarish amaliyotini o’tash muhim hisoblanadi.

Tashkil etilgan ushbu amaliyot mobaynida biz o’rgangan nazariy bilimlarni korxona va tashkilotlarga chiqish orqali mustahkamlab olishimiz ko’zda tutilgan, o’rgangan va to’plangan hosil qilingan malaka asosida jamoaga tashkilotchilik ishlarini korxonaning tashkiliy tuzilmasi funksional masalalarni hal qilish va ishlab chiqarishda qo’llash iqtisodiy ko’rsatkichlarni tashkil qilish bo’yicha amaliy ko’nikmalar egallash hamda bitiruv malakaviy ishi uchun materiallar to’plash maqsadida ushbu amaliyotni o’tash.

Amaliyotning vazifalari:

- o’rganilgan nazariy bilimlarni amaliyotda qo’llanishni o’rganish;

- tashkilot hamda muassasalarda ishlar ko’lami va tizimini o’rganish;

- ishlab chiqarish mobaynida hujjatlar bilan ishlashni o’rganish;

- mustaqil qaror qabul qilishga o’rganish;

- ro’y berayotgan iqtisodiy voqea va hodisalarga o’z bahosini va fikrini bildirish;

- malakaviy amaliyot ishini yozish va ilmiy ishlarni amalga oshirish uchun kerakli materiallar to’plash.

Malakaviy amaliyotni o‘tash shaxsiy reja (grafik) asosida amalga oshirildi. Uni amaliyot rahbari talaba bilan birgalikda malakaviy amaliyot dasturiga muvofiq ravishda o‘talayotgan joyning xususiyatlarini hisobga olib tuzib chiqdik.