Oʻzbekiston respublikasi oliy va oʻrta maxsus ta'lim vazirligi andijon mashinasozlik instituti «muqobil energiya manbalari» kafedrasi

ISHCHI DASTUR

1. 
   O‘quv fanining dolzarbligi va oliy kasbiy ta’limdagi o‘rni
   

Ushbu fan energetikaning jamiyat hayotidagi roli, energiyani hosil qilish, uni an’anaviy va noan’anaviy usullar bilan ishlab chiqarish, xalq xo’jaligining barcha sohalarida energiyadan oqilona foydalanish va uni tejash kabi masalalarni qamrab oladi. Jamiyatda energetikaning rivojlanish istiqbollari, ishlab chiqarishda energiya sarfini me’yorlashtirish, energetika menejmenti, audit, korxonaning energetik balansi, respublikasizda amalga oshirilayotgan energiya tejamkorligi siyosatining mohiyatini tushunishda talabalarni zarur bo’lgan bilimlar bilan qurollantiradi.
“Elektr ta’minoti tizimida energiya tejamkorligi” fani umumkasbiy fanlar blokiga kiritilgan kurs hisoblanib, 2-kursda o’qitilishi maqsadga muvofiq. “Elektr ta’minoti tizimida energiya tejamkorligi” fani mutaxassislik fanlar turkumiga kiradi va bakalavriatning elektroenergetika ta’lim yo’nalishlarida o’qitiladi. Mazkur fan yuqori bosqichlarda o’qitiladigan fanlarning asosini tashkil qilib, o’z rivojida texnik yo’nalishdagi fanlar uchun zamin bo’lib xizmat qiladi.

2. 
   O‘quv fanining maqsad va vazifalari.
   

Fanni o’qitishdan maqsad – energiyadan oqilona foydalanish, energiya shakllari bo’yicha iste’molni me’yorlashtirish, energiya tejamkorligini boshqarish, ikkilamchi energiya resurslaridan foydalanish, olib borilayotgan energiya tejamkorlik siyosatining tub mohiyatini o’rgatish hamda energiya tejash tadbirlarini amaliyotda tatbiq etish ko’nikmasini hosil qilishdan iborat.
Nazariy qismdagi mavzular bo’yicha ma’ruzalar mazmun jihatdan modul talabiga muvofiq tuzilgan.
Ushbu maqsadga erishish uchun fan talabalarni nazariy bilimlar, amaliy ko’nikmalalar, hodisa va jarayonlarga uslubiy yondashuv hamda ilmiy dunyoqarashini shakllantirish vazifalarini bajaradi.
Fan bo’yicha talabalarning bilim, ko’nikma va malakalariga qo’ydagi talablar qo’yiladi. Talaba:

• 
  energiya tejamkorlik asoslari, ob’ektlarda energiya tejashning usullari to’g’risida tasavvurga ega bo’lishi;
  
• 
  energiya tejashning asoslarini, uning huquqiy asoslarini, asosiy tushuncha va tamoyillarini, texnologik jarayonlarda energiyani tejashning o’ziga xos xususiyatlarini bilishi va ulardan foydalana olishi;
  

energiya ob’ektlarining energiya iste’moli holatini tahlil qila bilish va ularda energiyadan oqilona foydalanish sohasida mavjud muammolar bo’yicha yechimlar qabul qilish ko’nikmalariga ega bo’lishi kerak.

3.