O‘zbekiston respublikasi oliy va o‘rta maxsus ta’lim vazirligi berdaq nomidagi Qoraqalpoq davlat universiteti

2. FAKULTET DEKANI VAZIFALARI:
2.1. Akademguruhga murabbiylar biriktirish jarayonida talabalar hoxish-istagini inobatga olishi;
2.2. Talabalar o‘z vazifasini bajarmayotgan murabbiylar haqida murojaat qilganlarida masalaning mohiyatini o‘rganib chiqib, belgilangan tartibda murabbiy faoliyatini yo‘lga qo‘yish choralarini ko‘rish va bu haqda talabalarni xabardor etishi;
2.3. Chorak yakunida murabbiylar yig‘ilishini o‘tkazish va reja bo‘yicha bajarilgan ishlarni tahlil qilib, qaror qabul qilishi;
2.4. Talabalarning kutubxona, internet tarmog‘i va boshqa manbalardan belgilangan tartibda foydalanishlari, axborot olishlari, shuningdek, respublika va xalqaro miqyosdagi ma’naviy-ma’rifiy, ilmiy-amaliy tadbirlarda, tanlov va ko‘riklarda amaldagi qoidalarga asosan ishtirok etishlarini ta’minlashi;
2.5. O‘quv yili yakunida “Eng ibratli murabbiy” tanlovini o‘tkazishi va g‘oliblarni Universitet tanloviga tavsiya etishi;
2.6. “Ma’naviyat va ma’rifat saboqlari” darsini bir necha bor sababsiz barbod qilgan murabbiy bo‘yicha “Murabbiylar kengashi”ga taklif kiritishi lozim.


3. MURABBIYNING VAZIFALARI:
3.1. O‘z guruhi talabalarining har biri haqida tasdiqlangan ma’lumotnomaga ega bo‘lishi;
3.2. “Guruh murabbiylari” jurnalini belgilangan tartibda yuritishi;
3.3. “Axborot va maurabbiylik soatlari” darsini “Murabbiylar kengashi” tomonidan taqdim etilgan rejaga ijodiy yondashgan holda o‘tkazishi;
3.4. Guruhda ta’lim-tarbiya ishlarini Nizomda belgilangan talablar asosida olib borishni o‘zining asosiy vazifasi deb, bilishi;
3.5. Guruhning o‘z shioriga ega bo‘lishini ta’minlashi;
3.6. O‘zlashtirishi, davomati va tartib-intizomi yaxshi bo‘lmagan talabalar bilan yakka tartibda ishlashi, ularni ibratli talabalarga biriktirib qo‘yishi va ilg‘orlar safiga olib chiqishi uchun dekanat hamda jamoat tashkilotlari bilan hamjihatlikda zarur chora-tadbirlarni amalga oshirishi;
3.7. I.A.Karimov O‘zbekiston mustaqilligining ijodkori, tashabbuskori va rahnamosi ekanligi haqida “O‘zbekiston mustaqillikka erishish ostonasida” asari hamda muhtaram prezidentimiz Sh. Mirziyoyev asarlari va nutqlari asosida mazmunli turkum muloqotlar o‘tkazishi;
3.8. Mamlakatimizning jahon hamjamiyatida tutgan o‘rni, ichki va tashqi siyosatdagi yangiliklar, ijtimoiy-iqtisodiy, ma’naviy-siyosiy jarayonlar, islohotlarning borishi va erishilayotgan yutuqlar bilan muntazam tanishtirib borishi;
3.9. Universitetda o‘tkaziladigan tadbirlarda guruhning faol ishtirok etishini ta’minlashi;
3.10. Shogirdlarining yashash joylaridagi shart-sharoitlaridan xabardor bo‘lib, ularning ota-onalari hamda yaqinlari bilan muloqotda bo‘lib turishi;
3.11. Moddiy jihatdan yordamga muhtoj bo‘lgan talabalarning ehtiyojlarini atroflicha o‘rganib chiqib, fakultet yoki Universitet rahbariyatiga taklif kiritishi;
3.12. Mamlakatimizning fan, ta’lim, madaniyat, adabiyot, san’at va boshqa sohalardagi namoyandalari bilan uchrashuvlar tashkil etishi;
3.13. O‘zbekiston poytaxtining diqqatga sazovor joylariga tashriflar uyushtirishi;
3.14. Talabaning burchi, vazifasi, Universitet, oila va jamoat joylarida o‘zini qanday tutishi, katta va kichik yoshdagilarga qanday munosabatda bo‘lishi hamda nimalarga e’tibor bilan qarashi kerakligi haqida suhbatlar o‘tkazib borishi;
3.15. Universitet Nizomiga, ichki tartib-qoidasiga rioya qilmagan, O‘zbekiston Respublikasi qonunlarini buzgan guruh talabasi belgilangan tartibda javobgarlikka tortilishi to‘g‘risida o‘z talabalarini ogoh etib turishi;
3.16. Ta’lim-tarbiya ishlari bo‘yicha takliflar kiritishi;
3.17. Guruh talabalarining talab va istaklarini tegishli pog‘onalarga etkazishi, lozim bo‘lganda ularning haq-huquqlarini himoya qilishi;
3.18 Murabbiylar Universitet rahbariyatining buyrug‘i bilan guruhdan ozod qilinishi yoki boshqa ishga o‘tkazilishi mumkin.