Oʻzbekiston respublikasi oliy va oʻrta maxsus ta’lim vazirligi fargʻona politexnika instituti “ishlab chiqarishda boshqaruv” fakulteti «iqtisodiyot»

Oziq-ovqat mahsulotlar. 2020 yilning dekabr oyida kuzatilayotgan oziq-ovqat mahsulotlari asosiy guruhlaridan boshqalarga nisbatan meva-sabzavot mahsulotlari (7,3%) narxlari sezilarli darajada qimmatlashdi. Tuxum narxlari oy davomida 3,5 foiz, yog‘-moy mahsulotlari 2,2 foiz, sut mahsulotlari 1,6 foiz, shakar, choy va boshqa oziq-ovqat mahsulotlari 1,4 foiz, go‘sht, parranda go‘shti va baliq 1,2 foizga ko‘tarildi. Umumiy ovqatlanish muassasalaridagi narxlar oy davomida 1,4 foiz, spirtli ichimliklar 1,1 foiz, alkogolsiz ichimliklar 0,4 foizga qimmatlashdi.
2019 yilning oxiriga nisbatan tuxum (37,6%), yog‘ va moylar (27,0%), go‘sht, parranda go‘shti va baliq (18,1%), shuningdek, non mahsulotlari (15,2%) narxlari sezilarli darajada qimmatlashganini ta’kidlamoqda Statistika qo‘mitasi.
Nooziq-ovqat mahsulotlar. 2020 yilning dekabr oyida kuzatuvdagi nooziq-ovqat mahsulotlari asosiy guruhlari orasida narxlarning oy davomidagi o‘sishi bo‘yicha yetakchilik zargarlik buyumlari va avtomobillar uchun yoqilg‘i narxlariga tegishli bo‘lib, narxlar o‘rtacha 2,5 foizga oshgan. 2019 yilning dekabrida nooziq-ovqat mahsulotlardan salmoq vazn jihatidan narxlarning oy davomidagi o‘sishi bo‘yicha yetakchi o‘rinlarni zargarlik buyumlari (1,0%), shuningdek, kiyim-kechak va oyoq kiyim narxlari (0,7%) band etgan.
Xizmatlar. 2020 yilning dekabr oyida tariflarning o‘sishi bo‘yicha yetakchi o‘rinlar maishiy (2,0%) va tibbiy xizmatlar (1,9%) narxlariga tegishli bo‘ldi.
2019 yilning dekabr oyida pullik xizmatlar tariflarining oy davomida o‘rtacha 0,3% ga o‘sishida maishiy (1,0%) va tibbiy (0,5%) xizmatlar narxlari yetakchilik qilgan.
2020 yil IV chorakdagi pul-kredit siyosati sharhida Markaziy bank inflyatsiya darajasi ortishining asosiy xatarlarini qayd etdi.
Tahlil natijalariga ko‘ra, yaqin istiqbolda iqtisodiyotda inflyatsion bosimni yuzaga kelishi quyidagi omillar bilan bog‘liq bo‘ladi:

• 
  Mavsumiy omillar, shuningdek, raqobat sharoitlari va jahon oziq-ovqat bozorlarining konyunkturasi sababli oziq-ovqat narxlarining ko‘tarilishi;
  
• 
  Ichki bozorlarda narx barqarorligini saqlash uchun asosiy oziqovqat mahsulotlarini eksport qiluvchi mamlakatlar tomonidan oziq- ovqat mahsulotlarining ayrim turlarini eksport qilishga cheklovlar joriy etish bilan bog’liq muammolar.
  

O’zbekiston Respublikasi bo’yicha umumiy iste’mol narxlari indeksi (INI) % da